2 Kings 17:2 - Pijin Bible

² Hem tu hemi gohed fo duim olketa nogud samting long ae long Yawe, bat hemi no tumas olsem olketa king blong Israel wea i bin rul fastaem i duim.

Pijin Deuterocanon

² Hem tu hemi gohed fo duim olketa nogud samting long ae long Yawe, bat hemi no tumas olsem olketa king blong Israel wea i bin rul fastaem i duim.

2 Kings 17:2 ပူးပေါင်းရင်းမြစ်များ

1 Kings 16:25

King Omri hemi duim olketa ravis samting long ae blong Yawe. Hemi sin wos moa winim olketa wea i bin king fastaem long hem. Hemi duim evri nogud samting olsem wea King Jeroboam hemi bin duim bifoa. An hemi mekem pipol blong Israel tu fo sin, an olketa wosipim olketa ravis tambu kaving. Olketa ravis samting nao mekem Yawe hemi kros tumas.

1 Kings 16:30

Ehab hemi barava duim olketa nogud samting long ae blong Yawe. Hemi wos moa winim evri king wea i rul fastaem long hem.

2 Kings 10:31

Bat King Jehu hemi no barava falom gudfala olketa lo blong Yawe, God blong Israel. Hem nao hemi no lusim ravis wei blong King Jeroboam bifoa, an hemi lidim pipol blong Israel fo wosipim tufala tambu kaving long man buluka yet.

2 Kings 13:11

Bat hem tu hemi gohed fo duim olketa nogud samting long ae blong Yawe bikos hemi no lusim ravis wei blong King Jeroboam, san blong Nebat, wea bifoa hemi bin mekem pipol blong Israel fo sin.

2 Kings 13:2

King ya tu hemi gohed fo duim olketa nogud samting long ae blong Yawe bikos hemi barava falom ravis wei blong King Jeroboam, san blong Nebat, wea bifoa hemi bin mekem pipol blong Israel fo sin.

2 Kings 15:18

Bat hem tu hemi duim olketa nogud samting long ae blong Yawe. Oltaem long taem wea hemi king, hemi gohed fo duim olketa nogud samting long ae blong Yawe bikos hemi no lusim ravis wei blong King Jeroboam, san blong Nebat, wea bifoa hemi bin mekem pipol blong Israel fo sin.

2 Kings 15:24

Bat hem tu hemi gohed fo duim olketa nogud samting long ae blong Yawe bikos hemi no lusim ravis wei blong King Jeroboam san blong Nebat, wea bifoa hemi bin mekem pipol blong Israel fo sin.

2 Kings 15:9

Bat hem tu hemi duim olketa nogud samting long ae blong Yawe olsem olketa olo blong hem i duim bifoa. Hemi no lusim ravis wei blong King Jeroboam, san blong Nebat, wea bifoa hemi bin mekem pipol blong Israel fo sin.

2 Kings 17:1

Long mektuel yia wea King Ehas hemi king long Jiuda, Hosea, san blong Ela, hemi kamap king long Israel. Hemi king long Samaria fo naenfala yia.

2 Kings 17:3

Long datfala taem, King Salmanesa blong Asiria hemi kam faetem hem, an hemi kontrolem King Hosea an mekem hem peim bikfala taks go long hem.

2 Kings 21:2

King ya hemi duim olketa nogud samting long ae blong Yawe. Hemi gohed fo falom olketa ravis wei blong olketa pipol wea bifoa, Yawe hemi bin raosim from lan blong pipol blong Israel.

2 Kings 3:2

Hemi sin agensim Yawe, bat hemi no duim olketa samting olsem dadi blong hem King Ehab, an mami blong hem Kuin Jesebel i bin duim bifoa. Hem olsem bikos hemi brekemdaon tambu kaving blong Baal wea dadi blong hem hemi bin mekem.