2 Kings 14:28 - Pijin Bible

²⁸ Nao olketa narafala samting wea Jeroboam hemi duim, an olketa bikfala samting hemi duim long taem blong faet, an hao hemi winim baek tufala taon long Damaskas an Hamat wea i bin blong Yehuda, olketa raetemdaon long Buk Abaotem Olketa Samting Olketa King blong Israel i Duim.

Pijin Deuterocanon

²⁸ Nao olketa narafala samting wea Jeroboam hemi duim, an olketa bikfala samting hemi duim long taem blong faet, an hao hemi winim baek tufala taon long Damaskas an Hamat wea i bin blong Yehuda, olketa raetemdaon long Buk Abaotem Olketa Samting Olketa King blong Israel i Duim.

2 Kings 14:28 ပူးပေါင်းရင်းမြစ်များ

2 Samuel 8:6

Den Deved hemi putum samfala seksin blong ami blong hem fo stap long Damaskas. So olketa long Aram i kam andanit long paoa blong hem, an olketa gohed fo peim taks long hem. Nao long evri ples wea Deved hemi go faet long hem, Yawe hemi mekem hem win.

1 Kings 11:24

Taem King Deved hemi bin winim ami blong Hadadesa long faet, Reson hemi lidim wanfala grup hu i agensim gavman. Disfala grup ya hemi go stap long Damaskas long Siria, an kontrolem biktaon ya.

1 Kings 14:19

Olketa narafala samting wea King Jeroboam hemi duim, an olketa faet wea hemi mekem, an wei blong hem fo rul, evrisamting ya, olketa raetemdaon long Buk Abaotem Olketa Samting Olketa King blong Israel i Duim.

2 Kings 1:18

Olketa narafala samting wea King Ahasaea hemi duim, olketa raetemdaon long Buk Abaotem Olketa Samting Olketa King blong Israel i Duim.

2 Kings 14:16

An taem hemi dae, olketa berem bodi blong hem long Samaria, long beregraon blong olketa olo blong hem, an san blong hem Jeroboam hemi sensim hem fo kamap king.

2 Kings 14:29

Taem hemi dae, olketa berem hem long beregraon blong olketa olo blong hem, an san blong hem Sekaraea nao hemi sensim hem fo kamap king.

1 Kronikols 5:17

Olketa nem blong olketa laen ya, olketa raetemdaon long rekod long taem wea Jeroboam hemi king long Israel an Jotam hemi king long Jiuda.

Emos 1:5

Bae mi brekem olketa geit long bikfala wolston blong taon long Damaskas. Bae mi kilim dae evriwan, stat long olketa pipol go-go kasem king, an evriwan, stat long Aven vali go-go kasem taon long Bet-Eden. An bae mi fosim olketa pipol blong Siria fo lusim lan blong olketa an gobaek long Kia wea hemi lan blong olketa olo grani blong olketa bifoa.? Hem nao toktok blong Yawe.