2 Kings 13:25 - Pijin Bible

²⁵ Den King Jehoas hemi go faetem Ben-Hadad trifala taem. An hemi winim hem long trifala faet ya, an hemi tekembaek olketa taon wea Hasael hemi bin tekemaot from dadi blong hem, King Jehoahas.

Pijin Deuterocanon

²⁵ Den King Jehoas hemi go faetem Ben-Hadad trifala taem. An hemi winim hem long trifala faet ya, an hemi tekembaek olketa taon wea Hasael hemi bin tekemaot from dadi blong hem, King Jehoahas.

2 Kings 13:25 ပူးပေါင်းရင်းမြစ်များ

1 Kings 20:29

Long datfala taem, olketa soldia blong Siria an olketa soldia blong Israel i stap long olketa haostent blong olketa. An olketa gohed fo lukluk long olketa nomoa go-go kasem sevenfala de. Long mekseven de, olketa stat fo faet, an long de ya, olketa soldia blong Israel i kilim dae 100,000 soldia blong Siria.

2 Kings 10:32

Long taem blong King Jehu, Yawe hemi stat fo katemdaon saes blong kantri blong Israel. An hemi letem King Hasael blong Siria fo kam winim olketa long faet.

2 Kings 10:33

King ya hemi tekem lan blong olketa long narasaet blong Jodan Riva long ist, stat long eria long Basan long not, go kasem eria long Gilead, wetem taon long Aroa long Anon Riva long saot. Lan ya hemi olketa lan blong Manase long ist, an blong Gad, an blong Ruben.

2 Kings 13:24

Taem King Hasael hemi dae, san blong hem, Ben-Hadad, hemi sensim hem fo kamap king long Siria.

2 Kings 13:3

So Yawe hemi kros long olketa, an fo lelebet longtaem hemi letem King Hasael blong Siria fo kontrolem olketa, an bihaen long Hasael, san blong hem King Ben-Hadad hemi kontrolem Israel tu.

2 Kings 13:5

So Yawe hemi givim wanfala lida long olketa fo sevem olketa from paoa blong olketa blong Siria. Go-go olketa stapgud long olketa ples blong olketa moa olsem bifoa.

2 Kings 14:25

Disfala mektu Jeroboam, hemi tekembaek olketa lan blong Israel stat long Lebo-Hamat long not, go kasem Ded Si long saot. Hemi duim falom Mesij blong Yawe, God blong Israel. Wakaman blong Yawe nao, Jona san blong Amitae, hu hemi profet blong Gat-Hefa, hemi bin talemaot disfala toktok blong Yawe.