2 Kings 13:21 - Pijin Bible

²¹ Wanfala taem, samfala pipol blong Israel i karim wanfala bodi fo go berem hem. Den olketa lukim wanfala grup blong soldia blong Moab i kam, so olketa torowem bodi nomoa go insaet long grev wea olketa bin putum bodi blong Profet Elaesa long hem bifoa. Bat wea, taem bodi ya hemi kasem olketa bon blong Elaesa ya, man ya hemi laefbaek moa, an hemi stanap.

Pijin Deuterocanon

²¹ Wanfala taem, samfala pipol blong Israel i karim wanfala bodi fo go berem hem. Den olketa lukim wanfala grup blong soldia blong Moab i kam, so olketa torowem bodi nomoa go insaet long grev wea olketa bin putum bodi blong Profet Elaesa long hem bifoa. Bat wea, taem bodi ya hemi kasem olketa bon blong Elaesa ya, man ya hemi laefbaek moa, an hemi stanap.

2 Kings 13:21 ပူးပေါင်းရင်းမြစ်များ

2 Kings 13:22

Long taem wea King Jehoahas hemi king long Israel, King Hasael blong Siria hemi gohed fo spoelem olketa olowe.

2 Kings 4:35

Den Elaesa hemi stanap, an wakabaot insaet long rum ya, an bihaen hemi go leidaon moa long boe. Den boe ya hemi snis sevenfala taem, an hemi openem ae blong hem.

Aesaea 26:19

!Olketa pipol blong mi! Olketa blong yumi hu i dae finis, bae i laefbaek moa from dae. Yufala hu i leidaon insaet long grev, bae yufala wekap an hapi. Olsem wata blong naet wea hemi foldaon kam fo mekem graon hemi sof an kamap niu moa, long sem wei ya tu, bae Yawe hemi mekem olketa ya fo laefbaek moa.

Gudnius abaotem Jisas Kraes wea Jon hemi raetem 11:44

!Seknomoa, man hu hemi dae finis ya hemi kamaot nao! Bat olketa kaleko, wea olketa paselem long olketa han an lek blong hem an raonem fes blong hem, olketa stap yet. So Jisas hemi talem olketa olsem, “Yufala tekemaot olketa kaleko ya, mekem hemi save wakabaot go.”

Gudnius abaotem Jisas Kraes wea Jon hemi raetem 5:25

Mi talem yufala tru samting nao, bae wanfala taem hemi kam, an taem ya hemi kam finis nao, wea olketa hu i dae finis bae olketa herem San Blong God. An olketa hu i herem an obeim hem, bae olketa kasem laef.

Aposol 19:12

Nomata enikaen kaleko wea hemi tasim bodi blong Pol finis, sapos olketa tekem go long olketa hu i sik o olketa wea devol i stap long olketa, bae olketa gudbaek moa from sik blong olketa, an olketa devol tu bae i ranawe from olketa.

Aposol 5:15

An bikos long wanem olketa aposol i bin duim ya, olketa pipol olketa gohed nao fo tekem kam olketa hu i sik, an leimdaon olketa long mat o long bed long saet long rod. Olketa tingse, taem Pita hemi go-gopas long ples ya nomoa, maet sado blong hem hemi save kasem olketa hu i sik an mekem olketa fo gudbaek moa.

Revelesin 11:11

Bat bihaen long tri an haf de ya, God hemi mekem win blong laef fo go insaet long tufala moa. An taem olketa pipol lukim tufala wakabaot moa, olketa barava fraet fogud nao.