2 Kings 13:16 - Pijin Bible

¹⁶ Elaesa hemi talem hem fo holem bou. King hemi duim olsem, an Elaesa hemi putum han blong hem long han blong king.

Pijin Deuterocanon

¹⁶ Elaesa hemi talem hem fo holem bou. King hemi duim olsem, an Elaesa hemi putum han blong hem long han blong king.

2 Kings 13:16 ပူးပေါင်းရင်းမြစ်များ

Jenesis 49:24

God nao hemi strongfala Rok wea hemi sefples blong Israel. God ya blong mi Israel, bae hemi lukaftarem gudfala long olketa wea bae i bon kam bihaen long mi, olsem wea man hemi gohed fo lukaftarem gudfala long olketa sipsip blong hem, an hemi gohed fo gadem olketa. Nao bae hemi lukaftarem yu gudfala, an hemi mekem yu barava strong, an han blong yu wea i holem long bou bae hemi no save seksek.

2 Kings 13:15

Den Elaesa hemi tok olsem long hem, “Yu go tekem kam bou wetem olketa aro.” So hemi go tekem kam.

2 Kings 13:17

Den Elaesa hemi sei long hem, “Yu go openem windo long saet long ist.” So king hemi go openem. An hemi tok moa olsem long king, “Oraet, yu sut.” So King hemi sut. Nao Elaesa hemi kolaot bikfala olsem, “!Yu aro blong Yawe! !Bae hemi yusim yu fo winim pipol blong Siria! Bae yu barava winim olketa blong Siria long faet long Afek.”

2 Kings 4:34

Den hemi leidaon antap long boe ya, an hemi putum maos blong hem long maos blong boe, an ae blong hem long ae blong boe, an han blong hem long han blong boe. Taem hemi leidaon antap long boe ya olsem, bodi blong boe hemi stat fo hot.

Sams 144:1

Mi preisim Yawe, bikos hem nao hemi strongfala Rok wea hemi sefples blong mi, an hemi trenem mi olsem soldia blong hem fo faet.