2 Kings 12:4 - Pijin Bible

⁴ Wanfala taem, King Joas hemi tok olsem long olketa prist, “Olketa seleni wea olketa pipol i gohed fo tekem kam long Tambuhaos blong Yawe fo givim go long hem, yufala mas kipim fo wakem Tambuhaos ya moa. Olketa tambu seleni nao i olketa taks long sensas, an olketa seleni wea olketa pipol i givim fo finisim strongfala promis blong olketa, an olketa seleni wea olketa pipol i givim long Tambuhaos falom wanem olketa laekem nomoa.

Pijin Deuterocanon

⁴ Wanfala taem, King Joas hemi tok olsem long olketa prist, “Olketa seleni wea olketa pipol i gohed fo tekem kam long Tambuhaos blong Yawe fo givim go long hem, yufala mas kipim fo wakem Tambuhaos ya moa. Olketa tambu seleni nao i olketa taks long sensas, an olketa seleni wea olketa pipol i givim fo finisim strongfala promis blong olketa, an olketa seleni wea olketa pipol i givim long Tambuhaos falom wanem olketa laekem nomoa.

2 Kings 12:4 ပူးပေါင်းရင်းမြစ်များ

1 Kings 3:2

Long datfala taem, olketa no wakem yet Tambuhaos blong Yawe, an olketa pipol i gohed fo mekem sakrifaes long olketa narafala olta long olketa tambuples olobaot long olketa hil.

1 Kings 3:3

King Solomon hemi lavem Yawe, an hemi obeim evri toktok wea dadi blong hem hemi bin tisim hem. Bat hem tu hemi gohed fo mekem olketa sakrifaes long olketa narafala tambuples ya, an hemi gohed fo bonem insens long olketa tu.

1 Kings 7:1

King Solomon hemi bildim tu olketa bikfala haos fo hem seleva, an hemi tekem tetin yia fo finisim.

2 Kings 12:18

Bat taem King Joas hemi herem nius ya, hemi go long Tambuhaos blong Yawe, an hemi tekemaot evri nambawan samting wea King Jehosafat, an King Jehoram, an King Ahasaea, trifala olo blong hem i bin mektambu long olketa samting. An hemi karimaot evrisamting ya, an hemi putum go wetem olketa samting blong hem, an hemi tekemaot tu olketa gol wea olketa pipol i putum fo stap long Tambuhaos ya, an olketa gol wea i stap long haos blong hem. Den hemi sendem evrisamting ya go long King Hasael blong Siria. So king ya wetem olketa soldia blong hem, i taneraon an gobaek an olketa no kam long Jerusalem.

2 Kings 12:5

Taem yufala duim olketa waka fo stretem Tambuhaos, yufala save tekem olketa seleni ya from olketa man hu i lukaftarem. Hem nao evri seleni wea yufala mas yusim fo fiksimap olketa samting wea i kamap nogud long Tambuhaos.”

2 Kings 14:4

Bat hemi no tekemaot olketa tambuples fo wosipim olketa narafala god, an olketa pipol i gohed fo mekem sakrifaes an bonem insens long olketa tambuples ya.

2 Kings 15:4

Nomata olsem, hemi no aotem olketa tambuples fo wosipim olketa narafala god, an olketa pipol gohed fo mekem sakrifaes an bonem insens long olketa tambuples ya.

2 Kings 16:4

An king ya hemi gohed fo mekem sakrifaes long olketa narafala god long olketa tambuples antap long olketa hil, an andanit long olketa bikfala tri. An hemi gohed fo bonem insens long olketa tambuples ya tu.

2 Kings 17:11

An olketa gohed fo bonem insens long olketa tambuples olsem olketa pipol wea bifoa Yawe hemi bin raosim from lan blong pipol blong Israel. Olketa bin duim olowe olketa ravis samting wea i mekem Yawe fo kros tumas.

2 Kings 22:4

“Yu go lukim Haeprist Hilkaea, an talem hem fo stretem seleni wea olketa pipol i givim long olketa prist hu i stanap long doa blong Tambuhaos.

1 Kronikols 18:11

So King Deved hemi mektambu long olketa samting ya, mekem olketa i blong Yawe. Hem nao wanem hemi bin duim long olketa silva an gol wea hemi tekem taem hemi winim olketa pipol long olketa faet. Olketa nao i pipol blong Idom, an pipol blong Moab, an pipol blong Amon, an pipol blong Filistia, an pipol blong Amalek.

1 Kronikols 29:17

“Mi save dat yu gohed fo testem tingting blong olketa pipol, an yu hapi wetem olketa pipol hu i falom stretfala wei. Long stretfala wei nomoa, mi laekem tumas fo givim evrisamting ya go long yu. An mi lukim finis dat olketa pipol blong yu long hia, olketa laekem tumas fo givim olketa samting ya go long yu.

2 Kronikols 15:18

Nao evrisamting olketa wakem long gol an long silva, an olketa narafala samting wea hem an dadi blong hem i bin mektambu long olketa, hemi putum olketa samting ya long Tambuhaos blong God.

2 Kronikols 31:12

Taem olketa redim finis olketa rum ya, olketa keakea gud fo karim kam olketa ofaring ya, an olketa wan-tent wea olketa pipol i givim, an olketa narafala tambu ofaring, an olketa putum insaet. Wanfala Livaet wea nem blong hem Konanaea, hemi bos fo lukaftarem olketa samting ya. Brata blong hem Simei, hemi mektu long hem.

2 Kronikols 35:2

Long datfala taem, Josaea hemi talemaot olketa waka blong fist wea olketa prist mas duim long Tambuhaos blong Yawe, an hemi strongim tingting blong olketa fo waka gudfala.

Esra 1:6

Olketa narafala pipol hu i stap kolsap long olketa ya long datfala ples i helpem olketa. Olketa givim olketa samting wea i wakem long silva an gol, an olketa samting wea bae olketa nidim long rod, an olketa animol fo karim olketa samting ya, an olketa narafala gudfala samting tu wetem olketa spesol ofaring falom wanem olketa laekem.

Esra 2:69

Olketa givim olketa ofaring ya falom haomas seleni nao olketa garem, an hemi kasem 500 kilo long gol, an 2,800 kilo long silva, an 100 nambawan kaleko fo olketa prist.

Esra 7:16

An yu tekem tu evri silva an gol wea yu save kolektem long evri ples long provins long Babilon wetem olketa spesol ofaring wea olketa pipol wetem olketa prist, i givim falom wanem olketa laekem, fo Tambuhaos ya blong God long Jerusalem.

Eksodas 35:22

Olketa man an olketa woman tu hu i laek fo givim olketa samting go long Yawe, olketa tekem kam olketa naes samting wea olketa wakem long gol, olsem olketa smolfala huk fo putum long kaleko, an olketa iaring, an olketa ring, an olketa sen fo hangem long nek. Olketa liftimap olketa gol samting ya olsem ofaring fo somaot dat samting ya hemi blong Yawe an hemi tambu.

Eksodas 35:29

Evri man an woman blong Israel hu i laek fo helpem waka wea Yawe hemi bin talem long Mosis, olketa tekem kam olketa samting ya an givim go olsem ofaring long Yawe.

Eksodas 35:5

Yumi evriwan mas mekem ofaring go long Yawe. Evriwan hu hemi wande ofarem samting long Yawe, hemi save givim: gol, silva, an bras,

Eksodas 36:3

An Mosis hemi givim long olketa evrisamting wea olketa pipol blong Israel bin givim long hem fo wakem Tambu Haostent ya. Evri moning, olketa pipol hu i laek fo mekem ofaring go long Yawe, olketa gohed fo tekem kam plande samting moa.

Levitikas 27:31

Bat sapos eniwan hemi laek fo peimaot enisamting from disfala wan-tent, bae hemi mas peim barava praes blong hem wetem tuenti pasent moa.

Gudnius abaotem Jisas Kraes wea Luk hemi raetem 21:4

Olketa nara pipol ya olketa putum nomoa lelebet haf long olketa risis blong olketa. Bat disfala woman wea hemi no garem naf samting, hemi putum nao evrisamting wea hemi garem fo laef long hem.”