2 Kings 11:5 - Pijin Bible

⁵ An hemi tokstrong long olketa olsem, “Plan blong mi hemi olsem. Long Sabat de, seksin long yufala hu i kam fo waka, bae yufala divaed long trifala grup. Wanfala grup bae gadem haos blong kuin,

Pijin Deuterocanon

⁵ An hemi tokstrong long olketa olsem, “Plan blong mi hemi olsem. Long Sabat de, seksin long yufala hu i kam fo waka, bae yufala divaed long trifala grup. Wanfala grup bae gadem haos blong kuin,

2 Kings 11:5 ပူးပေါင်းရင်းမြစ်များ

1 Kings 10:5

An hemi lukim evri kaikai long tebol, an olketa bikman blong hem, an kaleko wea olketa wakaman i werem. Hemi lukim tu olketa wakaman wea i karim kam kaikai an waen long fist. An hemi lukim olketa sakrifaes wea hemi bin mekem long Tambuhaos blong Yawe. An evrisamting ya i mekem kuin fo barava sapraes tumas.

2 Kings 11:19

Hem wetem olketa komanda blong olketa spesol sekiuriti an olketa sekiuriti blong haos blong king, olketa tekem king an goaot from Tambuhaos blong Yawe. Olketa go long haos blong king, an olketa pipol i falom olketa. Nao king hemi gotru long geit blong olketa sekiuriti, an hemi go insaet long haos blong king. Den hemi go sidaon long tron.

2 Kings 11:6

an wanfala grup bae i gadem geit wea olketa kolem Sua Geit, an wanfala grup bae i gadem geit ya bihaen long mektu grup.

2 Kings 16:18

Hemi aotem spesol haostent fo wosip long Sabat, an hemi satem spesol doa blong Tambuhaos wea olketa king blong Jiuda nomoa i yusim. Hemi duim olketa samting ya fo mekem King Tiglat-Pilesa hemi hapi long hem.

1 Kronikols 23:32

Fastaem, waka blong olketa hemi fo lukaftarem Tambu Haostent, an bihaen olketa gohed fo waka long Tambuhaos blong Yawe an helpem olketa prist long laen blong Eron.

1 Kronikols 9:25

Nao olketa wantok blong olketa hu i stap long olketa vilij, olketa bin kam helpem olketa ya olowe. Wanfala grup save gadem olketa ples fo sevenfala de, den narafala grup moa i kam sensim olketa.

Jeremaea 26:10

Taem olketa lida blong Jiuda i herem nius long samting ya, olketa goaot from haos blong king an kam long Tambuhaos ya, an olketa sidaon long ples blong olketa fo jaj kolsap long disfala geit wea nem blong hem nao Niufala Geit.