2 Jon 1:4 - Pijin Bible

⁴ Mi hapi fogud taem mi herem dat samfala long olketa pikinini blong yu i gohed fo falom tru toktok, olsem wea God Dadi blong yumi hemi bin talem yumi fo duim.

Pijin Deuterocanon

⁴ Mi hapi fogud taem mi herem dat samfala long olketa pikinini blong yu i gohed fo falom tru toktok, olsem wea God Dadi blong yumi hemi bin talem yumi fo duim.

2 Jon 1:4 ပူးပေါင်းရင်းမြစ်များ

Hosia 14:9

(Profet) Man hu hemi waes mas savegud long olketa toktok ya wea mi talem, an hemi mas kipim gudfala insaet long haat blong hem. Evri wei blong Yawe hemi stret fogud. An olketa pipol hu i stret, olketa nomoa i falom disfala wei. Bat olketa pipol hu i agensim God i wikdaon an foldaon, bikos olketa nating tinghevi long olketa stretfala wei.

Malakae 2:6

Olketa bin gohed fo tisim pipol fo falom nomoa stretfala wei. Olketa bin falom stretfala wei ya blong mi an stap gudfala long piis, an helpem plande pipol fo no falom ravis wei blong sin.

1 Korin 13:6

Lav hemi save mekem man fo no hapi long olketa ravis samting, bat hemi save mekem man fo hapi wetem wanem hemi tru.

Galesia 2:14

Bat taem mi lukim dat olketa no stret long saet blong tru toktok blong Gudnius, mi tok long Pita long ae blong evriwan olsem, “Yu wanfala man blong Jiu, bat yu bin falom wei blong man hu i no Jiu, an yu no stap olsem Jiu nomoa. ?So hao nao yu save fosim olketa hu i no Jiu fo falom olketa wei blong Jiu?”

Efesas 5:2

Lav nao hemi mas bikfala long laef blong yufala, olsem Kraes hemi lavem yumi an hemi bin letem hem seleva fo dae fo helpem yumi. Hemi olsem wanfala sakrifaes wea hemi smel naes tumas wea God hemi save hapi tumas long hem.

Efesas 5:8

Bifoa, yufala tu bin stap long tudak, bat distaem yufala blong Masta finis, an yufala stap long laet nao. So yufala mas gohed long wei blong pipol blong laet,

Filipae 4:10

Mi wande talem yufala dat mi barava hapi tumas long Masta, bikos nomata longfala taem hemi go finis, yufala stat fo helpem mi moa. Mi save dat yufala bin tingim mi olowe, nomata yufala no garem eni wei fo helpem mi.

1 Jon 2:6

Eniwan hu hemi sei hemi joen tugeta wetem God, wei blong hem mas barava olsem wei blong Jisas Kraes nao.