1 Timoti 5:25 - Pijin Bible

²⁵ Long sem wei tu, olketa gudfala waka i stap klia nomoa fo olketa pipol i luksave long olketa. An nomata olketa gudfala waka wea i staphaed fastaem, bae olketa no save staphaed olowe.

Pijin Deuterocanon

²⁵ Long sem wei tu, olketa gudfala waka i stap klia nomoa fo olketa pipol i luksave long olketa. An nomata olketa gudfala waka wea i staphaed fastaem, bae olketa no save staphaed olowe.

1 Timoti 5:25 ပူးပေါင်းရင်းမြစ်များ

Provebs 10:9

Stretfala pipol stapgud an sef, trabol kasem olketa laea.

Matiu 5:16

Long sem wei tu, laet blong yufala hemi mas saen go long olketa pipol, mekem olketa luksave long olketa gudfala samting wea yufala duim, an mekem olketa mekhae long Dadi blong yufala long heven.”

Gudnius abaotem Jisas Kraes wea Luk hemi raetem 11:33

An Jisas hemi sei moa, “Taem eniwan hemi laetem kam wanfala lam, hemi no save putum long ples wea hemi staphaed o andanit long dis. !Nomoa ya! Hemi mas putum antap long barava ples blong hem nao, mekem olketa pipol wea olketa kam insaet long haos ya olketa save lukim laet blong hem ya.

Aposol 10:22

Nao trifala man ya olketa tok olsem, “Yu save, Konilias, disfala bikman blong ami nao hemi sendem mifala kam ya. Hemi wanfala stretfala man wea hemi save wosipim God, an olketa pipol blong Jiu olketa barava tinghae tumas long hem. An wanfala enjel blong God nao, hemi talem hem fo askem yu kam long haos blong hem, mekem hemi save herem wanem bae yu talem.”

Aposol 22:12

“Nao wanfala man, nem blong hem Ananaeas, hemi stap. Hemi wanfala man blong prea an hemi save obeim Lo blong yumi, an olketa Jiu long Damaskas olketa barava tinghae tumas long hem.

Aposol 9:36

Nao long taon long Jopa, wanfala disaepol hemi stap nem blong hem Tabita, an long langguis long Grik nem blong hem Dokas. An disfala woman ya, evritaem nomoa hemi save duim olketa gudfala samting, an hemi save helpem olketa pua pipol.

Filipae 1:11

An bae yufala save falom gud olketa stretfala wei wea Jisas Kraes hemi helpem yumi long hem, mekem evriwan liftimap nem blong God an preisim hem.

1 Timoti 3:7

Bat wanfala man wea olketa pipol hu i no blong sios olketa tinghae long hem, hem nomoa hemi fit fo kamap lida. Sapos olsem, bae hemi no sem, an hemi no save foldaon long trap blong Seitan.

Revelesin 14:13

Nao mi herem moa wanfala voes long heven, wea hemi sei, “Yu raetemdaon olketa toktok ya. ‘Stat long distaem, olketa pipol hu i biliv long Masta blong yumi an olketa dae, olketa nao i hapi tumas.’” Ya, Holi Spirit hemi tok olsem, “!Hemi tru tumas ya! Bae olketa hapi fo res from hadwaka blong olketa, bikos bae olketa garem olketa gudfala samting from waka blong olketa.”