1 Timoti 3:14 - Pijin Bible

¹⁴ Nao taem mi stap fo raetem leta ya long yu, mi tingse, no longtaem nomoa, bae mi kam lukim yu.

Pijin Deuterocanon

¹⁴ Nao taem mi stap fo raetem leta ya long yu, mi tingse, no longtaem nomoa, bae mi kam lukim yu.

1 Timoti 3:14 ပူးပေါင်းရင်းမြစ်များ

1 Korin 11:34

An sapos eniwan hemi hanggre tumas, hemi mas kaikai kam long haos blong hem fastaem. Nogud God hemi jajem yufala from nogud wei blong yufala taem yufala kaikai tugeta. Nao abaotem olketa narasamting moa ya, bae mi stretem taem mi kam kasem yufala.

1 Tesalonaeka 2:18

So mifala traehad tumas fo kambaek moa long ples blong yufala. An mi Pol, tu-tri taem nao mi traehad finis fo faendem samfala wei fo kam lukim yufala, bat Seitan nao hemi blokem ka-kam blong mifala.

1 Timoti 3:13

Eniwan hu i waka gud long disfala waka ya bae olketa pipol save tinghae long hem ya, an bae hemi save stap strong fo talemaot toktok abaotem biliv blong hem long Jisas Kraes.

1 Timoti 3:15

Bat sapos mi no kam kuiktaem, bae yu save ridim disfala leta ya abaotem gudfala wei blong olketa pipol long famili blong God. Hem ya nao sios blong God hu i laef oltaem. An sios ya nao hemi barava holemstrong tru toktok ya, mekem no eniwan save spoelem.

1 Timoti 4:13

An long distaem wea yu weitem mi fo kambaek, yu gohed nomoa fo ridimaot Buktambu an fo talemaot Gudnius an tisim olketa pipol gudfala.

Filimon 1:22

Narasamting moa, mi save dat yufala gohed fo prea long God fo mi save kambaek moa long yufala, an mi biliv bae God hemi herem olketa prea blong yufala. So, mi laekem yu fo mekredi long wanfala rum fo mi stap long hem.

Hibrus 13:23

Mi laek fo yufala save dat brata blong yumi Timoti, olketa letem hem fo kamaot long prisin nao. Sapos hemi kam kasem mi kuiktaem, bae mitufala nao kam fo lukim yufala.

2 Jon 1:12

Mi garem plande samting fo talem go long yufala, bat mi no wande raetem long disfala leta. Mi laekem tumas fo kam long yufala an fo stori gud wetem yufala, mekem yumi save hapi tumas.

3 Jon 1:14

Mi laekem tumas fo kam kuiktaem, mekem yumitufala save stori gud.