1 Timoti 1:20 - Pijin Bible

²⁰ Tufala hu i joenem olketa ya nao Haemeneas an Aleksanda. Mi bin givim tufala go long han blong Seitan, mekem tufala save luksave dat tufala mas no gohed fo tokspoelem God.

Pijin Deuterocanon

²⁰ Tufala hu i joenem olketa ya nao Haemeneas an Aleksanda. Mi bin givim tufala go long han blong Seitan, mekem tufala save luksave dat tufala mas no gohed fo tokspoelem God.

1 Timoti 1:20 ပူးပေါင်းရင်းမြစ်များ

Matiu 18:17

Bat sapos man ya hemi no wiling yet fo herem wanem olketa talem, oraet, yu mas talemaot evrisamting long olketa memba blong sios nao. An sapos hemi no wiling yet fo herem wanem olketa memba blong sios olketa talem, oraet, yufala mas ting long hem olsem wanfala man wea hemi no biliv o wanfala nogud man fo tekem taks.

Aposol 13:45

Bat taem olketa bikman blong Jiu i lukim olketa plande pipol olsem, olketa barava joles fogud nao. An olketa gohed fo tok agensim evrisamting wea Pol hemi talem, an olketa tok nogud abaotem hem.

Aposol 19:33

Nao olketa Jiu olketa pusum wanfala long olketa fo goap long frant blong evri pipol, so samfala long olketa pipol i tingse hem nao hemi mekem disfala raoa fo stat. Man ya, nem blong hem Aleksanda, an hemi mekem saen fo olketa lisin gudfala bikos hemi laek fo ansarem olketa toktok blong olketa.

1 Korin 11:32

Bat Masta hemi jajem yumi distaem fo stretem yumi nomoa. Long wei ya, bae yumi no save kasem panis nogud wetem olketa pipol blong disfala wol.

2 Korin 10:6

An taem yufala somaot dat yufala barava obeim hem, bae mifala redi fo panisim eniwan hu hemi no laek fo obei.

2 Korin 13:10

Dastawe mi raetem go disfala leta taem mi no stap wetem yufala yet. Bikos taem bae mi go kasem yufala, mi no laek fo hatem yufala long wei wea mi mas yusim disfala paoa blong Masta. Paoa ya hemi givim long mi, mekem mi save strongim biliv blong yufala, an no fo spoelem yufala.

2 Tesalonaeka 3:15

Bat yufala mas no mekem hem kamap enemi blong yufala. Hemi gud fo yufala wonem hem nomoa, bikos hem nao hemi Kristin fren blong yufala.

1 Timoti 5:15

Yu save, samfala wido woman ya olketa go long deferen wei finis fo falom Seitan nao.

2 Timoti 2:14

Yu mas gohed fo toktok long olketa pipol abaotem disfala samting ya. Long ae blong God yu tokstrong long olketa fo no raoa abaotem olketa toktok. Diskaen wei ya hemi nogud tumas, an hemi save spoelem olketa pipol hu i lisin go long olketa raoa olsem ya.

2 Timoti 2:17

Toktok blong olketa ya hemi olsem wanfala soa nogud wea hemi gohed fo grou bikfala moa. Toktok blong Haemeneas an Filitas hemi olsem soa ya.

2 Timoti 3:2

Bae olketa pipol tingim olketa seleva nomoa an bae olketa laekem seleni tumas. Bae olketa praod an bikhed, an bae olketa toktok nogud. Bae olketa no save obeim olketa mami an dadi blong olketa, an bae olketa no save sei tengkiu, an bae olketa tokdaonem God an olketa narasamting moa wea hemi holi.

Hibrus 12:5

?An waswe, yufala fogetem disfala toktok wea God hemi talemaot fo mekem yufala gohed strong? Hemi tok long yufala olsem olketa pikinini blong hem, an hemi sei, “San blong mi, yu no les long strongfala toktok blong Masta, an taem hemi stretem yu, yu no letem tingting blong yu fo wikdaon.

Revelesin 13:1

Bihaen, mi lukim moa wanfala wael animol hemi kamaot long si. Hemi garem sevenfala hed an tenfala hon. Long olketa hon blong hem, hemi garem kraon long evriwan. An long olketa hed blong hem, hemi garem olketa nem wea olketa barava tokspoelem God.

Revelesin 3:19

Olketa pipol wea mi lavem olketa tumas, mi save tokstrong long olketa, an mi save panisim olketa tu. So yufala mas tinghevi long mi an lusim olketa ravis wei blong yufala.