1 Tesalonaeka 4:15 - Pijin Bible

¹⁵ Toktok mifala talemaot distaem hemi falom tising blong Masta blong yumi. Olketa blong yumi hu i laef yet long taem wea Masta blong yumi hemi kambaek moa, bae olketa no save go fastaem long olketa hu i dae finis.

Pijin Deuterocanon

¹⁵ Toktok mifala talemaot distaem hemi falom tising blong Masta blong yumi. Olketa blong yumi hu i laef yet long taem wea Masta blong yumi hemi kambaek moa, bae olketa no save go fastaem long olketa hu i dae finis.

1 Tesalonaeka 4:15 ပူးပေါင်းရင်းမြစ်များ

1 Kings 13:1

Wanfala de, Yawe hemi bin talemaot Mesij blong hem long wanfala man blong God long Jiuda. Hemi talem hem fo go long Betel. So man ya hemi go kasem Betel long taem wea Jeroboam hemi stanap long saet long olta fo mekem sakrifaes.

1 Kings 13:22

Yu kambaek long ples ya, an yu kaikaim bred an dringim wata, bat mi talem dat yu no save duim olsem. So bae yu mas dae, an bae olketa no berem yu long grev blong olketa olo blong yu.”

1 Kings 13:9

Mesij blong Yawe hemi stopem mi fo no kaikai an dring long hia, an mi no save gobaek long sem rod wea mi kam long hem.”

1 Kings 20:35

Long datfala taem, Mesij blong Yawe hemi kam long wanfala profet hu hemi memba long wanfala grup blong olketa profet. From disfala mesij, hemi sei long narafala profet, “Yu mas hitim mi mekem mi garekil.” Bat taem hemi talem long wanfala man, man ya hemi les fo duim.

1 Kings 22:14

Bat Maekaea hemi tok olsem, “!Olsem Yawe hemi laef, mi tok stret long yu! Mi save talem nomoa toktok wea Yawe bae hemi talem long mi.”

Stori abaotem Job 41:11

?Hu nao save tok agensim mi mekem mi stretem samting? No eniwan nao, bikos mi nao mi kontrolem evrisamting long disfala wol.

Sams 88:13

Lod Yawe. Nomata olsem, evri moning nomoa mi prea go long yu, an mi krae go long yu fo yu helpem mi.

Matiu 17:25

Nao Pita hemi sei, “Ya, hemi save peim.” Taem Pita hemi kasem haos, Jisas nao hemi askem Pita fastaem olsem, “?Saemon, yu tingting waswe? ?Olketa king long disfala wol olketa save tekem olketa kaen taks long olketa hu nao ya? ?Olketa save tekem long olketa san blong olketa seleva o long olketa deferen pipol?”

1 Korin 15:18

An olketa Kristin hu i dae finis ya, olketa tu i lus nomoa.

2 Korin 12:1

Mi mas tokpraod moa, nomata hemi no save helpem yumi. Bae mi tokabaotem olketa spesol drim an olketa samting hemi staphaed wea Masta hemi somaot long mi nomoa.

2 Korin 4:14

Mifala save dat God hemi bin mekem Masta blong yumi Jisas fo laefbaek moa. An bae hemi mekem mifala fo laefbaek olsem Jisas tu, an bae hemi tekem yumi go kasem ples blong hem.

Galesia 1:12

Mi no herem kam long eni man an no eni man tu hemi tisim mi abaotem, bat Jisas Kraes nao hemi somaot disfala Gudnius long mi.

1 Tesalonaeka 2:19

Nao taem Jisas Masta blong yumi bae hemi kambaek moa, bae mifala save hapi from yufala. Ya, tingting blong mifala bae hemi save stap strong an bae mifala save filpraod tumas long yufala long datfala taem. An laef blong yufala nao bae hemi somaot dat mifala win finis.

1 Tesalonaeka 4:13

Olketa Kristin fren, mifala laekem yufala fo savegud abaotem wanem bae hemi hapen long olketa hu i dae finis. Hem nao save mekem yufala no sore tumas olsem olketa pipol hu i no trastem God.

1 Tesalonaeka 5:10

Jisas hemi dae fo yumi, mekem yumi save stap tugeta wetem hem taem hemi kambaek moa, nomata yumi laef yet o yumi dae finis.

2 Tesalonaeka 2:1

Olketa Kristin fren, hemi gud fo tingim wei wea Jisas Kraes Masta blong yumi bae hemi kambaek moa an bae hemi mekem yumi stap tugeta wetem hem.