1 Tesalonaeka 2:10 - Pijin Bible

¹⁰ Yufala save an God tu hemi save dat wei blong mifala fo helpem yufala hu i biliv, hemi klin an hemi barava stret an no enisamting hemi rong long hem.

Pijin Deuterocanon

¹⁰ Yufala save an God tu hemi save dat wei blong mifala fo helpem yufala hu i biliv, hemi klin an hemi barava stret an no enisamting hemi rong long hem.

1 Tesalonaeka 2:10 ပူးပေါင်းရင်းမြစ်များ

Jeremaea 18:20

?Waswe, hemi stret fo sensimbaek ravis samting fo gudfala samting? Plis yu tingim dat mi bin gohed fo kam long yu fo askem yu fo no kros long olketa, mekem yu no panisim olketa. Bat olketa ya laek fo finisim mi nao, olsem wea man hemi digim hol olsem trap fo kasholem animol an kilim hem dae.

Nambas 16:15

Nao Mosis hemi kros tumas, an hemi prea olsem long Yawe, “!Sapos olketa givim ofaring long yu, yu mas no tekem! !Mi nating duim eni rong samting long olketa! !Nomata eni smol samting nomoa olsem dongki, mi nating tekem!”

Gudnius abaotem Jisas Kraes wea Luk hemi raetem 23:41

Wanem yumitufala tekem panis fo hem, hemi stretwan ya, bikos olketa panisim yumitufala fo olketa ravis samting wea yumitufala bin duim. Bat man ya, hemi nating duim enisamting wea hemi rong ya.”

Aposol 20:18

Taem olketa kam kasem hem, hemi tok olsem long olketa, “Yufala save finis long wei blong mi long evritaem mi stap wetem yufala, stat kam long fas de wea mi kasem provins long Esia.

Aposol 20:26

Dastawe nao mi wande fo talemaot stret long yufala distaem, wea sapos eniwan long yufala bae hemi go lus, hemi saet blong hem seleva nao.

Aposol 24:16

So mi barava traehad oltaem nomoa fo mekem tingting blong mi fo no filsem long ae blong God o long ae blong olketa pipol.

2 Korin 1:12

Mifala praod bikos tingting blong mifala hemi somaot dat mifala no falom save blong man, bat mifala falom nomoa paoa blong kaenfala lav blong God. Hemi olsem bikos mifala toktru olowe an mifala falom stretfala wei wea God hemi laekem. Oltaem, mifala duim olsem. An taem mifala stap wetem yufala, mifala bin duim olsem tu.

2 Korin 11:11

?Waswe, yufala tingse mi talem diswan bikos mi no lavem yufala? !Nomoa! God nao hemi save dat mi lavem yufala tumas.

2 Korin 11:31

God hu hemi Dadi blong Masta blong yumi Jisas, hemi save dat mi no laea. Yumi mas liftimap nem blong hem oltaem.

2 Korin 4:2

Mifala lusim go olketa ravis wei wea hemi staphaed, an no save laea, an no save sensim toktok blong God. Nomoa nao. Mifala talemaot nomoa tru toktok olowe, mekem God an olketa pipol i luksave long gudfala wei blong mifala.

2 Korin 5:11

From diswan nao, mifala save hao fo tinghae long Masta, an dastawe nao mifala trae mekem olketa pipol biliv long toktok blong mifala. God hemi savegud long mifala finis, an mi tingse yufala tu i barava save finis long mifala.

2 Korin 7:2

Yufala mas somaot dat yufala lavem mifala. Mifala no duim enisamting rong long eniwan. Mifala no spoelem eniwan, an mifala no ravem eniwan.

1 Tesalonaeka 1:5

Taem mifala tekem go disfala Gudnius long yufala, mifala no toktok nating nomoa, bat Holi Spirit hemi mekem olketa mirakol tu. Mifala somaot dat mifala barava biliv strong long Gudnius. An taem mifala stap wetem yufala, yufala luksave finis long olketa gudfala samting wea mifala duim wea hemi fo helpem yufala.

1 Tesalonaeka 2:5

An yufala save finis dat mifala no kam fo tok suit long yufala o fo mekem wei fo tekem olketa gudfala samting from yufala. Nomoa ya. God tu hemi save long diswan.

2 Tesalonaeka 3:7

Yufala seleva save finis nao dat yufala mas falom olketa wei blong mifala. Taem mifala stap wetem yufala, mifala no les fo duim waka.

1 Timoti 4:12

Yu no letem eniwan fo tingdaonem yu from yu yangfala man nomoa. Nomoa ya. Yu mas somaot gudfala wei long olketa Kristin pipol, mekem olketa save falom yu long toktok blong yu an long laef blong yu an long lav blong yu an long biliv blong yu an long stretfala wei blong yu.

2 Timoti 3:10

Bat yu nao, yu luksave finis long tising blong mi an long laef blong mi an long olketa samting wea mi wande duim. Yu luksave finis long biliv blong mi, an long wei wea mi kaen gudfala, an long wei wea mi lavem evriwan, an long wei wea mi stanap strong long hadtaem.

1 Pita 5:3

Hemi nogud sapos yufala bosim tumas olketa hu i stap long han blong yufala. Bat hemi gud fo yufala somaot gudfala wei long olketa, mekem olketa save falom eksampol blong yufala olsem olketa sipsip save falom man wea hemi lukaftarem olketa.