1 Samuel 4:13 - Pijin Bible

¹³ Ilae hemi sidaon antap long stul blong hem fo we-weit long rod bikos hemi wari tumas long Tambu Boks blong God. Oraet, man ya hemi ranawe kam nao an hemi talemaot nius abaotem faet long olketa man long taon. So olketa evriwan i krae nogud.

Pijin Deuterocanon

¹³ Ilae hemi sidaon antap long stul blong hem fo we-weit long rod bikos hemi wari tumas long Tambu Boks blong God. Oraet, man ya hemi ranawe kam nao an hemi talemaot nius abaotem faet long olketa man long taon. So olketa evriwan i krae nogud.

1 Samuel 4:13 ပူးပေါင်းရင်းမြစ်များ

Sams 26:8

Lod Yawe, mi laekem tumas haos wea yu stap long hem. Bikos long ples ya nao, bikfala paoa blong yu hemi saen fogud long hem.

Jeremaea 48:19

“Yufala pipol blong taon long Aroa. Yufala go stanap long rod, an weit nomoa. Olketa hu i gohed fo ranawe, yufala mas askem olketa olsem, ‘!Ei! ?Wanem nao hemi kasem yufala?’

Josua 7:9

Sapos evriwan long lan ya i herem nius, bae olketa kam an raonem mifala an kilim mifala evriwan dae. Kaen wei ya bae hemi mekem plande pipol fo tokspoelem hae nem blong yu, so yu mas helpem mifala.”

1 Samuel 1:9

Wanfala de, taem olketa finis long fist blong disfala sakrifaes long tambuhaos blong Yawe long Saelo, Hana hemi stanap an hemi prea an krae go long Yawe bikos hemi barava filnogud yet. Long datfala taem, disfala prist Ilae hemi sidaon long sea blong hem kolsap long doa blong tambuhaos.

1 Samuel 4:14

Ilae hemi herem olketa noes an hemi ask olsem, “?Wanem kaen samting ya?” So man ya hemi ran kam fo talemaot nius long hem.

1 Samuel 4:18

Nao taem Ilae hemi herem nius abaotem Tambu Boks ya, hemi foldaon from stul blong hem kolsap long geit blong taon. Baeksaet blong hem hemi banga long graon, an bikos hemi olfala tumas an hemi fat tu, nek blong hem hemi brek, nao hemi dae. Ilae hemi sif long pipol blong Israel fo foti yia.