1 Samuel 25:27 - Pijin Bible

²⁷ Plis yu tekem olketa samting wea mi karim kam long yu masta, an yu givim long olketa man blong yu.

Pijin Deuterocanon

²⁷ Plis yu tekem olketa samting wea mi karim kam long yu masta, an yu givim long olketa man blong yu.

1 Samuel 25:27 ပူးပေါင်းရင်းမြစ်များ

Jenesis 33:11

Plis yu tekem presen ya wea mi tekem kam fo yu. God hemi bin gud tumas long mi, an mi garem staka samting nao.” Jekob hemi gohed fo askem brata blong hem fo tekem olketa samting ya, go-go hemi tekem presen ya nao.

2 Samuel 16:2

Den king hemi askem hem olsem, “?Waswe nao yu tekem kam olketa samting ya?” An hemi ansa olsem, “King, tufala dongki ya i blong famili blong yu fo olketa raed long tufala. An olketa bred wetem olketa frut hemi blong olketa man blong yu fo kaikaim, an waen hemi blong olketa fo dringim long drae eria taem olketa fil taet.”

2 Kings 5:15

Den Naaman wetem olketa man blong hem i gobaek long man blong God. Hemi go stanap long frant long hem, an hemi tok olsem, “Distaem mi savegud nao dat no eni narafala god hemi stap. Bat God blong yufala long Israel nomoa hemi tru. Plis, mi laekem yu fo tekem smolfala presen ya.”

Provebs 18:16

Yu givim go presen, an rod hem klia. Hem nao save mekem yu lukim bikman.

2 Korin 9:5

Dastawe nao mi talem trifala brata ya fo go long yufala fastaem, mekem trifala redim wanem yufala promisim fo givim. An taem mi kasem yufala, bae hemi redi finis olsem wanfala gudfala presen blong yufala seleva. So hemi no olsem samting wea mifala fosim yufala fo duim.

Jajis 4:10

Barak hemi kolem traeb blong Sebulun, wetem traeb blong Naftali fo kam lukim hem. An hemi tekem 10,000 man blong tufala traeb ya fo go wetem hem, an Debora tu hemi go wetem olketa.

1 Samuel 25:42

So kuiktaem nomoa hemi stanap, an tekem faefala wakamere blong hem. Hemi raed go long dongki blong hem fo go wetem olketa man. An hemi maritim Deved nao.

1 Samuel 30:26

Taem Deved hemi kambaek long Siklag, hemi tekem samfala samting wea hemi winim long faet, an hemi sendem go long olketa fren blong hem wea i lida blong distrik blong Jiuda. An hemi sendem toktok go long olketa olsem, “Hem nao presen blong yufala. Hemi haf long olketa samting wea mifala tekem from olketa enemi blong Yawe.”