1 Samuel 25:13 - Pijin Bible

¹³ So hemi tok olsem long olketa man blong hem, “!Yufala mas tekem naef fo faet blong yufala!” So olketa evriwan i go duim nao. An hem tu hemi taetem strap blong hem an hangem naef fo faet blong hem. Den hemi letem 200 man fo lukaftarem evrisamting blong olketa, an hemi tekem 400 man wetem hem.

Pijin Deuterocanon

¹³ So hemi tok olsem long olketa man blong hem, “!Yufala mas tekem naef fo faet blong yufala!” So olketa evriwan i go duim nao. An hem tu hemi taetem strap blong hem an hangem naef fo faet blong hem. Den hemi letem 200 man fo lukaftarem evrisamting blong olketa, an hemi tekem 400 man wetem hem.

1 Samuel 25:13 ပူးပေါင်းရင်းမြစ်များ

2 Samuel 15:18

Den olketa bikman blong hem an olketa sekiuriti blong hem hu i olketa man blong Keret an Pelet, olketa mas kam pas long hem. An 600 soldia blong hem, wea olketa i blong Gat long Filistia, olketa ya tu i mas go pas long king.

Provebs 14:29

Man no save kros kuiktaem, hemi waes fogud. Man save kros kuiktaem, hemi krangge fogud.

Provebs 16:32

Man hemi no kros kuiktaem, hemi strong winim nambawan soldia. Man save kontrolem kros blong hem, hemi strong winim man hu hemi save kontrolem wanfala taon long faet.

Provebs 19:11

Yu waes, bae yu no save kros kuiktaem. Yu no wari long rong agensim yu, bae pipol tinghae long yu.

Provebs 19:2

Yu no save, oraet, no hariap. Yu hariap, oraet, yu gorong.

Provebs 20:22

No tok olsem, “Bae mi sensimbaek ravis samting ya.” Trastem Yawe nomoa, bae hemi sevem yu.

Provebs 25:8

Taem yu lukim nogud samting, no hariap fo go long kot fo talemaot. Nogud nara man talemaot dat yu rong, an bae yu sem.

Josua 9:14

Josua wetem olketa man blong Israel i joen wetem olketa nao fo kaikaim samfala long olketa kaikai wea olketa bin tekem kam. Bat olketa nating askem nomoa Yawe fastaem, fo save dat disfala samting hemi stret o nomoa.

1 Samuel 22:2

An olketa man hu i trabol, o i garem kaon wea i no save peim, o olketa hu i kros long samting, olketa tu kam joenem hem. Long wei olsem, Deved hemi kamap lida long 400 pipol.

1 Samuel 23:13

So Deved wetem samting olsem 600 man blong hem i goaot from taon ya. Go-go, Deved an olketa i gohed fo muv go olowe nao. An taem Sol hemi herem dat Deved an olketa goaot finis from Keila, olketa no go nao.

1 Samuel 25:12

So olketa yangman i kambaek long Deved, an talem hem evri toktok blong Nabal.

1 Samuel 27:2

So hemi tekem go tufala waef blong hem, Ahinoam, disfala woman from Jesreel, an Abigeil, disfala woman from Kaamel wea hemi wido blong Nabal. An hemi tekem go tu 600 man blong hem wetem olketa woman an pikinini blong olketa. Olketa go stap long taon long Gat, wea Akis, san blong Maok, hemi sif long taon ya.