1 Samuel 23:27 - Pijin Bible

²⁷ Bat wea, wanfala man hemi ran kam long Sol an hemi tok olsem long hem, “!King, kambaek distaem! !Ami blong Filistia i kam spoelem lan blong yumi!”

Pijin Deuterocanon

²⁷ Bat wea, wanfala man hemi ran kam long Sol an hemi tok olsem long hem, “!King, kambaek distaem! !Ami blong Filistia i kam spoelem lan blong yumi!”

1 Samuel 23:27 ပူးပေါင်းရင်းမြစ်များ

Jenesis 22:14

Nao hemi kolem ples ya long “Yawe hemi gohed fo givim evrisamting.” Dastawe, kam kasem tude, olketa pipol i gohed fo talem olsem, “Antap long maonten blong Yawe, hemi gohed fo givim wanem yumi nidim.”

2 Kings 19:9

An long semtaem tu, wanfala ripot hemi kasem King Senakerib. Hemi herem dat King Tiahaka blong Kus wetem ami blong hem i kam nao fo faetem olketa. Taem hemi herem disfala ripot, hemi sendem samfala man fo tekem mesij go long King Hesekaea. Hemi tok olsem,

1 Kronikols 14:13

Bihaen, olketa soldia blong Filistia i kambaek long vali long Refaem moa fo faet long hem.

Sams 116:3

Mi kolsap dae nao taem bikfala trabol hemi bin kasem mi. Dastawe nao mi barava fraet tumas an mi wari fogud.

Diutronomi 32:36

“Taem Yawe hemi lukim dat yufala pipol blong hem i wikdaon an tu-tri nomoa long yufala i stap, bae hemi talem dat yufala i no fitim fo garem panis. An bae hemi kaen long yufala olketa wakaman blong hem moa.

Revelesin 12:16

Bat graon nao hemi helpem woman ya. Wanfala bikfala hol nao hemi open long graon, an evri wata wea i kamaot long maos blong bikfala snek ya, hemi godaon falom hol ya.

1 Samuel 23:26

Nao Sol wetem olketa man blong hem i stap long wanfala saet long maonten, an Deved wetem olketa man blong hem i long narasaet. Deved wetem olketa man blong hem i hariap fo ranawe from Sol wetem olketa man blong hem, bikos olketa kam kolsap tumas long olketa.

1 Samuel 23:28

So king hemi no ronem Deved moa, hemi taneraon gobaek fo faetem ami blong Filistia. Dastawe nao olketa kolem ples ya, “Ston wea tufala divaed.”

1 Samuel 27:10

Long olketa taem olsem, Akis hemi askem hem olsem, “?Tude, yu go faet long wea?” An hemi talem long sif wea hemi bin faet kam long olketa ples long drae eria olsem long distrik blong Jiuda, o long eria blong laen blong Jerameel, o long eria blong laen blong Kein.