1 Samuel 21:12 - Pijin Bible

¹² Toktok blong olketa hemi mekem Deved fo fraet tumas long Sif Akis.

Pijin Deuterocanon

¹² Toktok blong olketa hemi mekem Deved fo fraet tumas long Sif Akis.

1 Samuel 21:12 ပူးပေါင်းရင်းမြစ်များ

Jenesis 26:7

Nao taem olketa man long ples ya olketa lukim Ribeka, olketa askem Aesak olsem, “?Waswe, woman ya hemi waef blong yu?” Nao hemi tok olsem long olketa, “Nomoa, hemi sista blong mi ya.” Hemi haedem olsem, bikos woman ya hemi barava naesbola tumas, nao hemi fraet nogud olketa man long ples ya olketa kilim hem dae an tekem waef blong hem ya.

Sams 119:11

Mi mas tingim olketa tru toktok blong yu olowe, mekem mi no save sin agensim yu.

Sams 34:4

Mi prea long Yawe, an hemi ansarem mi, nao hemi sevem mi from olketa samting wea mi fraetem.

Sams 56:3

Lod Yawe, yu garem olketa paoa, taem mi fraet mi trastem yu.

Gudnius abaotem Jisas Kraes wea Luk hemi raetem 2:19

Bat Meri hemi gohed fo kipim nomoa evrisamting ya long maen blong hem seleva, an hemi barava tingting had tu abaotem olketa samting ya.

Gudnius abaotem Jisas Kraes wea Luk hemi raetem 2:51

So taem ya, Jisas hemi gobaek long Nasaret wetem tufala nao, an hemi gohed fo duim wanem tufala talem long hem. An mami blong hem hemi gohed fo kipim olketa samting ya long maen blong hem nomoa.

1 Samuel 18:7

An taem olketa gohed fo dans, olketa singsing olsem, “King Sol hemi kilim 1,000 enemi, an Deved hemi kilim 10,000 enemi.”

1 Samuel 21:10

Den Deved hemi lusim ples an ranawe from Sol. Hemi go long Sif Akis long taon long Gat long Filistia.

1 Samuel 21:13

So taem olketa kam kolsap long hem, hemi duim olketa samting fo mekem olketa tingse hemi mentol. An taem olketa trae fo holem hem, hemi duim enikaen samting olsem wea hemi barava mentol nao. Hemi skras long doa blong bikfala wolston blong taon wetem han blong hem, an hemi mekem wata long maos blong hem fo randaon long biad blong hem.