1 Samuel 17:51 - Pijin Bible

⁵¹ Den hemi ran go an pulumaot naef fo faet blong Golaeat, an katemaot hed blong hem. Taem olketa soldia blong Filistia i lukim olsem strongman fo faet blong olketa hemi dae, olketa ra-ranawei nao.

Pijin Deuterocanon

⁵¹ Den hemi ran go an pulumaot naef fo faet blong Golaeat, an katemaot hed blong hem. Taem olketa soldia blong Filistia i lukim olsem strongman fo faet blong olketa hemi dae, olketa ra-ranawei nao.

1 Samuel 17:51 ပူးပေါင်းရင်းမြစ်များ

2 Samuel 23:21

An hemi kilim dae wanfala man blong Ijip wea hemi olsem jaean an hemi man fo faet wetem spia. Benaea hemi holem stik nomoa, an hemi go fo faetem man ya. Hemi tekemaot spia from han blong hem, an hemi yusim spia ya fo spiarem man ya dae.

Esta 7:10

Olketa tekem go Haman, an hangem hem nao long ples wea hemi bin mekem fo hangem Modekae long hem. Bihaen, kros blong king hemi jes finis nao.

Hibrus 11:34

an olketa kilim faea wea i bone bik tumas, an olketa naef fo faet blong enemi hemi no save kasem olketa. Nomata olketa wik tumas fastaem, olketa i strong go moa bihaen, an olketa strong tumas long olketa faet, an olketa winim olketa ami blong olketa narafala kantri.

Hibrus 2:14

Olketa pikinini ya, olketa garem bodi olsem evri pipol nomoa. Dastawe nao, taem Jisas hemi bon kam long wol ya, hem tu hemi garem bodi olsem barava man. Hemi kamap man bikos man nomoa save dae. An long dae blong hem nomoa, hemi mekem wei fo winim paoa blong Seitan, hu hemi garem paoa fo kilim pipol dae.

1 Samuel 17:50

Hem nao, nomata Deved hemi no garem naef fo faet, hemi yusim sling an ston nomoa fo winim faet long Golaeat.

1 Samuel 21:10

Den Deved hemi lusim ples an ranawe from Sol. Hemi go long Sif Akis long taon long Gat long Filistia.

1 Samuel 21:9

Den prist hemi tok olsem, “Wanfala naef fo faet nomoa hemi stap long hia, hemi blong Golaeat, soldia blong Filistia wea yu kilim bifoa long vali long Ela. Mi paselem gudfala long kaleko, an mi putum long bihaen long efod. Sapos yu laekem, yu save tekem. Hem nomoa wanfala samting fo faet wea mi garem long hia.” Deved hemi tok olsem, “!Hem nao, no eni narawan hemi moabeta! Yu givim kam long mi.”

1 Samuel 31:9

Den olketa katemaot hed blong king, an olketa tekem olketa kaleko fo faet blong hem. An olketa sendem samfala man long evri ples long Filistia fo talemaot nius ya long olketa tambuhaos blong olketa tambu kaving blong olketa, an long olketa pipol blong olketa.