1 Samuel 17:22 - Pijin Bible

²² Deved hemi livim olketa kaikai long man wea hemi save lukaftarem evrisamting blong ami, an hemi ran go long ples fo faet. Hemi go lukim trifala brata blong hem, an hemi askem trifala olsem trifala oraet o waswe.

Pijin Deuterocanon

²² Deved hemi livim olketa kaikai long man wea hemi save lukaftarem evrisamting blong ami, an hemi ran go long ples fo faet. Hemi go lukim trifala brata blong hem, an hemi askem trifala olsem trifala oraet o waswe.

1 Samuel 17:22 ပူးပေါင်းရင်းမြစ်များ

Jenesis 37:14

Nao dadi blong olketa hemi tok olsem long hem, “Mi laekem yu fo go an tekem kam samfala nius long olketa brata blong yu mekem mi save dat olketa stap gud nomoa an olketa animol ya i stap gud nomoa, o waswe. Bihaen yu kambaek, an talem long mi.” So dadi blong hem hemi sendem hem go nao. Long taem ya, Jekob an olketa wetem hem i stap nomoa long vali long Hebron, so Josef hemi lusim ples ya, an hemi wakabaot go nao. An taem hemi kasem Sekem,

2 Samuel 11:7

Taem hemi kam, king hemi askem hem olsem, “?Waswe, Joab hemi oraet? ?Hao nao faet ya?”

Eksodas 18:7

So, Mosis hemi goaot fo mitim olketa, an taem hemi lukim inlo blong hem, hemi baodaon long hem, an hemi kisim hem. Tufala sekhan an go insaet long haostent blong Mosis.

Aesaea 10:28

(Profet) Long datfala taem, bae olketa enemi i kam long taon long Aeat, an olketa pas tru long taon long Migron an putum evri hevi samting blong olketa wea olketa no nidim long Mikmas.

Jajis 18:15

Den faefala man ya i go long haos blong Maeka wea prist long traeb blong Livae hemi stap, an olketa talem halo long Livaet ya.

Jajis 18:21

Oraet, olketa wakabaot go nao. Olketa pikinini blong olketa an olketa animol blong olketa an evrisamting blong olketa i go fastaem bat olketa soldia i wakabaot kam bihaen long olketa.

1 Samuel 17:21

Olketa soldia blong Filistia i kam stanap long ples blong olketa, an olketa soldia blong Israel i kam stanap long ples blong olketa, nao olketa evriwan i redi fo faet.

1 Samuel 25:5

So hemi sendem go tenfala yang man blong hem long Kaamel fo lukim man ya, an talem halo long hem.

1 Samuel 30:21

Deved hemi gobaek fo lukim 200 man blong hem wea i stap long wata long Besoa. Hem ya nao olketa wea i taet tumas an olketa no go wetem hem. Evri man ya i kam fo mitim hem wetem olketa narafala pipol blong hem, nao hemi talem halo long olketa.