1 Samuel 10:26 - Pijin Bible

²⁶ An King Sol hemi gohom tu long Gibea, an samfala strong man fo faet i go wetem hem bikos God hemi bin mekem olketa fo tinghevi long Sol.

Pijin Deuterocanon

²⁶ An King Sol hemi gohom tu long Gibea, an samfala strong man fo faet i go wetem hem bikos God hemi bin mekem olketa fo tinghevi long Sol.

1 Samuel 10:26 ပူးပေါင်းရင်းမြစ်များ

2 Samuel 21:6

So mifala laekem yu fo tekem kam sevenfala man long laen blong hem. An mifala bae kilim olketa dae, an hangem olketa long frant long tambuples blong Yawe long Gibea, bikos hemi taon blong Sol wea Yawe bin siusim hem fo kamap king.” So king hemi tok olsem, “Bae mi tekem kam olketa long yufala.”

Esra 1:5

Long datfala taem, Yawe hemi waka insaet long tingting blong plande pipol fo gobaek an bildimbaek moa Tambuhaos blong hem. So olketa ya, olsem olketa hed long laen blong Jiuda, an olketa hed long laen blong Benjamin, an olketa prist an olketa Livaet, i mekredi fo gobaek long Jerusalem.

Sams 110:3

Long de wea bae yu go fo faetem olketa enemi blong yu, bae olketa pipol blong yu i hapi tumas fo kam an joen long ami blong yu. Ya, olsem wata long naet hemi kamap long moning fo givim niufala laef long olketa gras, bae olketa yangfala man blong yu i kam joen wetem yu long olketa tambu hil fo mekem ami blong yu i strong moa.

Aesaea 10:29

Olketa krosim dip vali ya an slip long Geba. Rama hemi wanfala taon wea hemi barava kolsap long Geba, an olketa blong taon ya i fraet fogud. Olketa pipol blong taon long Gibea, wea hemi taon blong King Sol bifoa, evriwan ranawe nao.

Aposol 13:48

Taem olketa pipol hu i no Jiu olketa herem diswan nomoa, olketa barava hapi fogud nao, an olketa toktengkiu long Masta from disfala gudfala mesij blong hem. An olketa wea God hemi bin siusim olketa finis fo garem disfala tru laef wea hemi no save finis, olketa biliv long hem nao.

Aposol 7:10

an hemi sevem hem from olketa trabol blong hem. God hemi mekem hem fo waes tumas an hemi mekem King long Ijip fo laekem hem. An King ya hemi mekem Josef fo kamap nambawan bikman blong hem, fo hemi lukaftarem kantri blong hem wetem olketa bikfala haos blong hem tu.

Josua 18:28

an Sela, an Haelef, an Jebus wea narafala nem blong hem nao Jerusalem, an Gibea an Kiriat-Jearim. Hem nao fotinfala taon wea i stap long eria ya wetem olketa vilij wea i stap raon long olketa. Hem nao olketa lan wea traeb blong Benjamin i onam.

Jajis 20:14

Nao 26,000 soldia hu i garem naet fo faet i kam from olketa taon blong traeb blong Benjamin an hipap tugeta long Gibea fo faetem olketa narafala traeb blong Israel. An narafala 700 soldia blong Gibea i joenem 26,000 ya. Olketa ya i save yusim lefhan fo suingim ston long sling an olketa save sut kasem nomoa wanfala hea an olketa no save mistim enitaem.

1 Samuel 11:4

Taem olketa man i kam talem nius ya long Gibea wea Sol hemi stap, olketa pipol long dea i ka-krae bikfala fogud.

1 Samuel 13:2

den hemi siusim 3,000 man fo kamap olsem ami blong hem, an hemi sendem olketa narafala man fo gohom. Hemi mekem 2,000 soldia fo stap wetem hem long Mikmas, an long olketa hil long Betel, an hemi sendem 1,000 soldia fo go wetem san blong hem Jonatan long Gibea long distrik blong Benjamin.

1 Samuel 15:34

Bihaen, Samuel hemi gohom long Rama, an Sol hemi gohom long Gibea.