1 Pita 3:14 - Pijin Bible

¹⁴ Bat nomata yufala safa bikos yufala duim wanem hemi stret, yufala save hapi. So yufala no fraet long olketa pipol ya an yufala no wari tumas long olketa.

Pijin Deuterocanon

¹⁴ Bat nomata yufala safa bikos yufala duim wanem hemi stret, yufala save hapi. So yufala no fraet long olketa pipol ya an yufala no wari tumas long olketa.

1 Pita 3:14 ပူးပေါင်းရင်းမြစ်များ

Provebs 3:25

Kuiktaem nomoa trabol save kasem ravis pipol. Bat yu no fraetem samting ya.

Aesaea 51:12

Yawe hemi tok moa olsem, “Mi nao mi sore long yufala an mekem yufala strong. ?Waswe nao yufala fraet long man hu bae hemi dae nomoa? !Hemi olsem gras nomoa ya, wea hemi nating save stap longtaem!

Jeremaea 1:8

Yu mas no fraetem olketa, bikos mi nao bae mi gadem yu.” Hem nao mesij blong Yawe.

Jeremaea 15:15

(Profet) Yawe, yu savegud long laef blong mi. Olketa pipol ya i gohed fo mekem mi safa. Plis yu tingim mi an lukaftarem mi. Yu sensimbaek long olketa disfala wei blong olketa fo spoelem mi. Plis yu no weit fo panisim olketa go-go olketa kilim mi dae. Yu no fogetem wea olketa ya gohed fo toktok nogud long mi bikos mi wakaman blong yu.

Esikiel 3:9

Bae mi mekem yu fo kamap strong fogud olsem ston wea hemi had fogud, an bae yu winim olketa nomoa. Nomata olketa i pipol hu i barava agensim mi olowe nao, bat yu mas no fraetem olketa.

Matiu 10:28

Yufala mas no fraetem olketa pipol wea olketa save kilim dae bodi blong yufala bat olketa no save fo kilim dae spirit blong yufala. Bat yufala mas fraetem God hu hemi garem paoa fo barava spoelem bodi blong yufala an spirit blong yufala tu insaet long hel.

Matiu 10:31

So yufala mas no fraetem enisamting, bikos yufala nao bikfala winim go moa plande bed ya.

Matiu 10:39

Eniwan hu hemi traehad fo sevem laef blong hem seleva, bae hemi lusim tru laef ya. Bat eniwan hu hemi lusim laef blong hem bikos hemi blong mi, bae hem nao hemi sevem tru laef blong hem.”

Matiu 16:25

Eniwan hu hemi wande fo sevem laef blong hem seleva, bae hemi lusim tru laef blong hem ya. Bat eniwan hu hemi lusim laef blong hem fo mi, bae hem nao hemi sevem tru laef blong hem ya.

Matiu 19:29

An eniwan hu hemi bin tinghae long mi, mekem hemi bin lusim olketa haos blong hem o olketa brata an sista blong hem o mami an dadi blong hem o olketa pikinini blong hem o olketa pisgraon blong hem, bae hemi save garem moa wan handred taem winim olketa samting ya wea hemi bin lusim. An bae hemi save garem tru laef wea hemi no save finis ya.

Gudnius abaotem Jisas Kraes wea Mak hemi raetem 10:29

An Jisas hemi talem long olketa olsem, “Ya, mi talem yufala tru samting nao, eniwan hu hemi tinghae long mi an long Gudnius, mekem hemi mas lusim haos blong hem o olketa brata an olketa sista blong hem o mami an dadi blong hem o olketa pikinini blong hem o olketa pisgraon blong hem,

Gudnius abaotem Jisas Kraes wea Mak hemi raetem 8:35

Bikos eniwan wea hemi wande fo sevem laef blong hem seleva nomoa, bae hemi lusim tru laef ya. Bat sapos eniwan hemi lusim laef blong hem fo mi, an fo Gudnius ya, bae hem nao hemi sevem tru laef blong hem.

Gudnius abaotem Jisas Kraes wea Jon hemi raetem 14:1

Jisas hemi tok olsem long olketa disaepol blong hem, “Yufala no wari. Yufala mas biliv long God an biliv long mi tu.

Gudnius abaotem Jisas Kraes wea Jon hemi raetem 14:27

“Piis bae hemi stap wetem yufala, piis blong mi nao mi givim long yufala. Mi no givim piis long wei wea olketa pipol long disfala wol ya olketa save givim. So yufala no letem tingting blong yufala fo wari, an yufala no fraet.

Aposol 9:16

An bae mi mekem hem save abaotem evrisamting nogud wea bae hemi mas kasem, taem hemi talemaot nem blong mi.”

2 Korin 12:10

So long disfala waka blong Kraes, nomata mi stap wik an pipol toknogud long mi an olketa hadtaem kasem mi an olketa pipol mekem mi safa, mi save hapi nomoa long diswan. Bikos taem mi wik tumas, long taem ya nao mi barava garem paoa.

Filipae 1:29

Bikos God hemi no mekem yufala fo waka fo Kraes long wei wea yufala biliv long hem nomoa, bat long wei wea yufala safa long nem blong hem tu.

Jemes 1:12

Man hu hemi gohed fo stanap strong taem enikaen hadtaem hemi kasem hem, hem nao hemi hapi. Taem hemi stanap strong long evri hadtaem, God bae hemi givim hem laef wea hemi promis fo givim long olketa hu i lavem hem.

Jemes 5:11

Yumi save sei olketa hapi tumas bikos olketa stanap strong go-go kasem en. An yufala herem finis abaotem Job. Enikaen nogud samting nao hemi kasem hem, bat hemi gohed nomoa fo biliv long God. An yufala save finis long wei wea Masta hemi helpem hem bihaen. Ya, Masta hemi gohed fo sore an kaen tumas long evriwan.

1 Pita 3:6

Sera tu hemi duim olsem. Hemi obeim Ebraham an kolem hem masta blong hem. Sapos yufala gohed fo duim olketa gudfala samting an yufala no fraet, bae yufala olsem olketa dota blong Sera.