1 Pita 3:13 - Pijin Bible

¹³ ?Sapos yufala gohed fo duim olketa gudfala samting, hu nao bae spoelem yufala?

Pijin Deuterocanon

¹³ ?Sapos yufala gohed fo duim olketa gudfala samting, hu nao bae spoelem yufala?

1 Pita 3:13 ပူးပေါင်းရင်းမြစ်များ

Sams 38:20

Fo olketa gudfala samting wea mi bin duim, olketa sensimbaek nomoa long olketa nogud samting. Olketa kaen pipol ya nao i agensim mi bikos mi duim olketa stretfala samting.

Provebs 12:21

Stret man, trabol no save kasem hem, nogud man, bae trabol olowe.

Provebs 15:9

Yawe hemi les long wei blong man nogud, bat hemi lavem olketa hu i falom stretfala wei.

Provebs 16:7

Taem wei blong man hemi mekem Yawe hapi, Yawe hemi mekem enemi blong man fo kamap fren long hem.

Jeremaea 39:12

“Yufala go lukaotem Profet Jeremaea. An taem yufala faendem hem, bae yufala no spoelem hem, bat yufala mas lukaftarem hem gudfala. Yufala duim enisamting hemi askem yufala fo duim.”

Leta wea Pol hemi raetem go long sios long Rom 13:3

Olketa pipol hu i duim stretfala samting olketa no fraet long gavman. Bat olketa pipol hu i duim olketa nogud samting nao olketa fraet long hem. So sapos yufala no wande fraetem olketa long gavman, yufala mas duim nomoa olketa stret samting, mekem olketa save tokhapi long yufala.

Leta wea Pol hemi raetem go long sios long Rom 8:28

An yumi save dat long evrisamting wea hemi save kasem yumi, God hemi duim olketa gudfala samting fo olketa pipol hu i lavem hem. Olketa nao pipol wea hemi kolem olketa, falom plan blong hem.

1 Korin 14:1

So disfala wei fo lavem evriwan nao yufala mas traehad fo hem. An yufala mas traehad fo tekem olketa spesol paoa blong Holi Spirit, wea disfala paoa fo talemaot mesij blong God nao hemi winim eni narawan.

Efesas 5:1

Yufala nao olketa pikinini blong God wea hemi lavem yufala tumas. Olsem, yufala mas trae fo falom wei blong hem tu.

1 Tesalonaeka 5:15

Nao taem wanfala man hemi duim rong samting long eniwan, yufala mas meksua no eniwan hemi sensimbaek. Bat evritaem, yufala mas traehad fo duim olketa gudfala samting fo eniwan long yufala, an fo olketa narafala pipol tu.

1 Timoti 5:10

Hemi mas wanfala woman wea olketa pipol luksave long hem from hemi save duim olketa gudfala waka. Olketa waka olsem fo lukaftarem gud olketa pikinini blong hem, an fo letem olketa pipol stap long haos blong hem, an fo welkamem olketa Kristin pipol long haos blong hem, an fo helpem olketa pipol hu i garem trabol long laef blong olketa. Ya, hemi mas woman wea hemi traehad olowe fo duim enikaen gudfala waka.

Taetas 2:14

Jisas Kraes hemi letem hem seleva fo dae fo sensim yumi an peimaot yumi evriwan from evri sin blong yumi. Hemi mekem laef blong yumi barava klin, mekem yumi kamap pipol blong hem an barava wande duim evri gud samting.

3 Jon 1:11

Gudfala fren blong mi, yu no falom olketa ravis wei olsem bat yu mas falom olketa gudfala wei nomoa. Eniwan hu hemi duim gudfala samting, hemi blong God nao. Bat eniwan hu hemi duim olketa ravis samting, hemi no luksave long God.