1 Pita 3:10 - Pijin Bible

¹⁰ Buktambu hemi sei, “Sapos eniwan hemi laekem gudfala laef an hemi wande stap hapi evri de, hemi mas no tok nogud, an hemi mas no laea.

Pijin Deuterocanon

¹⁰ Buktambu hemi sei, “Sapos eniwan hemi laekem gudfala laef an hemi wande stap hapi evri de, hemi mas no tok nogud, an hemi mas no laea.

1 Pita 3:10 ပူးပေါင်းရင်းမြစ်များ

Stori abaotem Job 2:4

Bat Seitan hemi tok olsem, “Skin sensim skin. Man save lusim evrisamting blong hem fo mekem hem seleva i laef.

Stori abaotem Job 33:28

Mi kolsap dae an godaon long grev, bat hemi kipim mi from dae, hem nao mi laef yet fo lukim delaet.”

Stori abaotem Job 9:25

Distaem, mi filim olsem olketa de long laef blong mi i gopas kuiktaem nomoa. No eni gudfala samting nomoa hemi hapen long laef blong mi.

Sams 106:5

Sapos olsem, bae mi save lukim gudfala laef blong olketa pipol blong yu, an bae mi save hapi wetem olketa. Ya, mekem mi save joenem olketa pipol blong yu fo preisim nem blong yu.

Sams 27:13

Mi save finis wea bae mi laef yet go-go mi lukim, wea Yawe bae hemi mekem disfala laef fo hemi kamap gudfala moa.

Sams 49:19

Nomata olsem, bae hemi mas dae yet ya, an bae hemi go an joenem olketa olo blong hem bifoa insaet long grev.

Provebs 3:18

Waes hemi olsem tri wea yu save laef long frut blong hem, holem frut blong hem an bae yu hapi.

Provebs 3:2

Sapos yu duim olsem, bae yu no sot long enisamting an bae yu garem longfala laef.

Provebs 4:22

Savegud long hem, an bae yu laef, an bodi blong yu i save gudbaek.

Provebs 8:35

Man hu hemi faendem mi, hemi faendem gudfala laef, an Yawe hemi hapi long hem olowe.

Eklesiastes 2:3

Mi laekem tumas fo kamap waes long evrisamting, so mi gohed fo dringim waen mekem mi hapi an kamap krangge. Mi wande luksave long olketa samting wea man save duim fo mekem hem hapi long sotfala taem hemi stap long wol.

Matiu 19:17

Nao Jisas hemi tok olsem long hem, “?Waswe nao yu askem mi abaotem wanem hemi gudfala? Yu save finis, God nomoa hemi gudfala. Bat sapos yu wande fo kasem tru laef, oraet, yu mas obeim olketa lo.”

Gudnius abaotem Jisas Kraes wea Mak hemi raetem 8:35

Bikos eniwan wea hemi wande fo sevem laef blong hem seleva nomoa, bae hemi lusim tru laef ya. Bat sapos eniwan hemi lusim laef blong hem fo mi, an fo Gudnius ya, bae hem nao hemi sevem tru laef blong hem.

Gudnius abaotem Jisas Kraes wea Jon hemi raetem 1:47

Taem Jisas hemi lukim Nataniel wea hemi kam long hem, hemi sei olsem abaotem hem, “!Disfala man nao barava man blong Israel bikos hemi nating save laea!”

Gudnius abaotem Jisas Kraes wea Jon hemi raetem 12:25

Man hu hemi lavem tumas laef blong hem seleva, bae hemi lusim ya. Bat man hu hemi no lavem laef blong hem long disfala wol, bae hemi holem tru laef wea hemi no save finis.

Diutronomi 32:47

!Yufala mas save! Olketa lo ya i no samting nating nomoa. Laef blong yufala i stap long olketa lo ya. Yufala mas falom, mekem yufala save stap longtaem long lan wea bae yufala go akros long Jodan Riva fo tekova long hem.”

Jemes 1:26

Eniwan hu hemi tingse hemi falom wei blong God bat hemi no save kontrolem wanem hemi talem, hemi hadwaka nating nomoa ya, an hemi laea long hem seleva.

1 Pita 2:1

So yufala mas lusim olketa ravis wei. Olsem, yufala mas no laea moa, an yufala mas no duim deferen samting from wanem yufala talem, an yufala mas no joles, an no gohed fo toknogud abaotem nara pipol.

1 Pita 2:22

Hemi no duim eni nogud samting, an hemi no talem eni laea toktok.

Revelesin 14:5

No enitaem nao olketa bin talemaot eni laea toktok. Olketa barava stret long ae blong God.