1 Pita 1:25 - Pijin Bible

²⁵ bat toktok blong Masta bae hemi stap fo evritaem olowe nao.” An hem nao disfala Gudnius wea olketa bin talemaot long yufala.

Pijin Deuterocanon

²⁵ bat toktok blong Masta bae hemi stap fo evritaem olowe nao.” An hem nao disfala Gudnius wea olketa bin talemaot long yufala.

1 Pita 1:25 ပူးပေါင်းရင်းမြစ်များ

Sams 102:12

Bat yu Lod Yawe, bae yu King olowe nao. An evriwan wea i bon kam bihaen, bae i gohed fo tingim yu.

Sams 102:26

Evrisamting ya bae hemi finis, bat bae yu nomoa yu stap olowe. Ya, no longtaem bae olketa i nogud nomoa olsem olketa olfala kaleko. wea man hemi sensim long olketa niuwan an torowem olketa olwan.

Sams 119:89

Lod Yawe, toktok blong yu bae hemi tru olowe. Ya, bae hemi tru olowe long heven nao.

Aesaea 40:6

Mi herem wanfala voes hemi tok olsem, “!Yu singaot go!” Nao mi askem olsem, “?Wanem nao bae mi talem?” Voes ya hemi tok moa olsem, “Yu talemaot olsem: Evri pipol i olsem gras nomoa, an olketa gudfala samting blong olketa hemi olsem nomoa olketa flaoa.

Aesaea 40:8

Ya, gras save kamap drae, an flaoa save foldaon, bat toktok blong God blong yumi bae hemi stap fo evritaem olowe nao.”

Matiu 5:18

An mi talem yufala tru samting nao, bae no eni lelebet samting insaet long Lo hemi save lus ya. Bae Lo hemi stap nomoa, go-go kasem taem wea wol an skae bae i finis an evrisamting i kasem barava en blong hem.

Gudnius abaotem Jisas Kraes wea Luk hemi raetem 16:17

Nao hemi had tumas ya fo heven an disfala wol fo lus finis, bat hemi barava had moa fo eni smolfala samting long Lo fo hemi lus.

Gudnius abaotem Jisas Kraes wea Jon hemi raetem 1:1

Stat kam long stat blong evrisamting, Toktok hemi stap finis nao. Hemi stap tugeta wetem God an hemi barava God tu.

Gudnius abaotem Jisas Kraes wea Jon hemi raetem 1:14

Nao Toktok ya hemi kamap man an hemi barava somaot klia dat God hemi kaen tumas. Hemi somaot klia evri tru samting abaotem God. Hemi bin stap wetem mifala an mifala bin lukim saen blong bikfala paoa blong hem. Bikfala paoa wea hemi tekem finis bikos hem seleva nomoa hemi San Blong God.

1 Korin 2:2

Bikos taem mi stap wetem yufala, mi barava wande fo no tingting long eni narasamting. Jisas Kraes an dae blong hem long kros nomoa mi laek fo tingim.

Efesas 2:17

So Kraes hemi kam finis fo talemaot Gudnius abaotem piis fo evriwan, long yufala olketa hu i bin stap farawe long God, an long olketa Jiu hu i bin stap kolsap long hem tu.

Efesas 3:8

Nomata mi lou winim evri pipol blong God, God hemi kaen tumas an hemi givim mi disfala waka. Hemi sendem mi go long olketa hu i no Jiu, fo talemaot Gudnius abaotem olketa gudfala samting blong Kraes wea tingting blong yumi no save kasem.

Taetas 1:3

An long barava taem blong hem, hemi somaot klia disfala toktok blong hem long Gudnius. God hu hemi sevem yumi, hem nao hemi talem mi fo talemaot disfala Gudnius long evriwan.

Hibrus 6:5

An olketa luksave finis long gudfala toktok blong God, an olketa save long paoa blong hem wea bae hemi rul ovarem evrisamting.

1 Pita 1:12

So God hemi somaot long olketa dat disfala tru toktok wea olketa gohed fo talemaot, hemi no fo helpem profet seleva, bat hemi fo helpem yufala nao. An Holi Spirit wea God hemi sendem kam, hemi givim paoa long samfala pipol, mekem olketa talemaot disfala Gudnius long yufala. An nomata olketa enjel tu, olketa wande savegud abaotem disfala Gudnius.

1 Pita 1:23

Toktok blong God hemi garem laef an hemi save stap olowe. Disfala toktok, hemi helpem yufala fo bon moa long niu laef. Long laef ya, Dadi blong yufala hemi no save dae bat hemi stap evritaem an olowe.

1 Pita 2:2

Bat yufala mas olsem olketa smolfala bebi wea i jes bon an i laekem susu tumas. Olsem, yufala mas laekem tumas disfala nambawan milk blong God wea hemi save mekem yufala grouap go-go God hemi sevem yufala.

2 Pita 1:19

From olketa samting ya nao, mifala biliv strong moa long wanem olketa profet bin talem. So yufala mas holestrong long olketa toktok blong olketa profet, bikos olketa toktok ya i olsem lam wea hemi saen long ples wea hemi dak tumas. Laet ya bae hemi saen go-go delaet hemi kamap, an laet blong disfala sta blong eli moning bae hemi saen insaet long maen blong yufala.

1 Jon 1:1

Mifala raet abaotem disfala Toktok Blong Laef, hu hemi stap olowe stat kam bifoa. Mifala bin herem hem, an mifala barava lukim hem long ae blong mifala. Ya, mifala bin lukim hem an tasim bodi blong hem.

1 Jon 1:3

So wanem mifala barava lukim an barava herem, hem nao mifala talemaot long yufala ya. Long disfala wei nao, bae yufala save stapgud wetem mifala olsem wea mifala stapgud wetem God Dadi an tugeta wetem San blong hem Jisas Kraes.

Revelesin 14:6

Nao mi lukim nara enjel moa wea hemi flae antap long skae, an hemi garem Gudnius wea hemi no save finis enitaem. Waka blong hem nao fo talemaot Gudnius ya long evri pipol long wol, olketa long deferen traeb an laen an langguis an kantri.