1 Kronikols 9:31 - Pijin Bible

³¹ Nao wanfala Livaet wea nem blong hem Matitaea, hemi bekem olketa tambu bred wea olketa ofarem go long Yawe. Matitaea hemi fasbon san blong Salum hu hemi long laen blong Kora.

Pijin Deuterocanon

³¹ Nao wanfala Livaet wea nem blong hem Matitaea, hemi bekem olketa tambu bred wea olketa ofarem go long Yawe. Matitaea hemi fasbon san blong Salum hu hemi long laen blong Kora.

1 Kronikols 9:31 ပူးပေါင်းရင်းမြစ်များ

Jenesis 19:3

Bat Lot hemi askem tufala strong moa, go-go tufala agri nao fo go long haos blong hem. So Lot hemi talem long olketa wakaman blong hem fo olketa bekem samfala bred wea hemi no garem yist long hem, an olketa mekredi wanfala gudfala kaikai fo givim long tufala. Taem olketa kaikai ya i tane finis, olketa givim long tufala, an tufala kaikaim nao.

1 Kronikols 23:29

Olketa lukaftarem tambu bred wea olketa prist i putum long Tambu Tebol. An olketa lukaftarem flaoa wea olketa prist bonem fo mekem sakrifaes, an bred wea i no garem yist long hem, an olketa bred wea olketa bekem long aven. An oltaem, olketa gohed fo skelem evrisamting wea olketa yusim an miksim fo mekem olketa kaen sakrifaes ya.

1 Kronikols 9:17

Olketa sekiuriti blong Tambuhaos wea i kambaek long Jerusalem, i olsem: Salum, an Akub, an Talmon, an Ahiman, wetem olketa wantok blong olketa. Salum ya hemi lida blong olketa.

1 Kronikols 9:19

Nao Salum an olketa wantok blong hem i bin gadem doa long frant long Tambuhaos. Salum ya hemi san blong Kore. Kore hemi san blong Ebiasaf long laen blong Kora. Bifoa kam, olketa olfala grani blong olketa i bin gadem frant long Tambu Haostent blong Yawe.

1 Kronikols 9:22

Olketa evriwan wea olketa siusim fo gadem olketa ples ya, i kasem 212. An olketa bin raetemdaon nem blong olketa long rekod blong laen falom olketa vilij blong olketa. Bifoa, King Deved an Profet Samuel, tufala siusim olketa olfala grani blong olketa fo barava lukaftarem waka ya.

1 Kronikols 9:26

Bat fofala Livaet hu i lida blong olketa sekiuriti ya, olketa bin lukaftarem olketa rum insaet long Tambuhaos blong God, an lukaftarem olketa samting wea olketa prist i putum insaet long olketa rum ya.

Levitikas 2:5

“Sapos eniwan long yufala hemi laek fo ofarem long mi flaoa wea hemi fraenem, hemi mas miksim nambawan flaoa wea hemi no garem yist long hem wetem oliv oel.

Levitikas 2:7

“An sapos eniwan long yufala hemi laek fo ofarem long mi flaoa wea hemi kukim long sospen, hemi mas miksim nambawan flaoa wetem oliv oel fastaem.

Levitikas 6:14

Yawe hemi gohed fo tok olsem long Mosis, “Hem ya nao lo blong ofaring long flaoa blong nambawan wit. Prist long laen blong Eron mas tekemaot samfala nambawan flaoa long han blong hem an miksim wetem oliv oel an insens, an hemi mas karim kam long frant long olta fo givim long mi. Den hemi mas bonem long olta fo somaot dat man ya hemi givim long mi, an hemi tambu samting wea smel blong hem hemi mekem mi Yawe hapi.

Levitikas 6:21

Hemi mas miksim flaoa ya wetem oliv oel an fraenem. Hemi mas pisisim disfala bred an ofarem kam olsem sakrifaes wea smel blong hem hemi mekem mi Yawe hapi.