1 Kronikols 9:19 - Pijin Bible

¹⁹ Nao Salum an olketa wantok blong hem i bin gadem doa long frant long Tambuhaos. Salum ya hemi san blong Kore. Kore hemi san blong Ebiasaf long laen blong Kora. Bifoa kam, olketa olfala grani blong olketa i bin gadem frant long Tambu Haostent blong Yawe.

Pijin Deuterocanon

¹⁹ Nao Salum an olketa wantok blong hem i bin gadem doa long frant long Tambuhaos. Salum ya hemi san blong Kore. Kore hemi san blong Ebiasaf long laen blong Kora. Bifoa kam, olketa olfala grani blong olketa i bin gadem frant long Tambu Haostent blong Yawe.

1 Kronikols 9:19 ပူးပေါင်းရင်းမြစ်များ

2 Kings 11:15

Prist Jehoeada hemi lukim dat maet olketa kilim kuin ya insaet long eria blong Tambuhaos blong Yawe, so hemi tok olsem long olketa komanda, “Yufala kasholem hem, an yufala goaot long olketa sekiuriti ya, an yufala tekem hem go aotsaet. An sapos eniwan hemi trae fo sevem hem, bae yufala kilim dae man ya tu.”

2 Kings 11:9

So olketa komanda i obeim olketa toktok wea Jehoeada hemi bin talem. Long Sabat de, olketa tekem kam evri soldia blong olketa blong hem. Olketa hu i jes finisim waka long Sabat de ya, an olketa hu i jes statem waka long de ya, olketa evriwan i kam.

2 Kings 12:10

Evritaem boks ya hemi fulap long seleni, sekretri blong king wetem hae prist, tufala kam an kaontem olketa seleni ya, an tufala putum insaet long olketa baeg.

1 Kronikols 9:18

Olketa ya i bin gadem geit long saet long ist long Tambuhaos, wea olketa kolem hem “Geit blong King”. Bifoa kam olketa olfala grani blong olketa ya i bin gadem ples blong olketa Livaet kolsap long Tambu Haostent.

1 Kronikols 9:20

Fastaem, Finehas hu hemi san blong Eleasa, hemi lida blong olketa sekiuriti ya, an Yawe hemi stap wetem hem.

Sams 42:1

God, mi laekem tumas fo wosipim yu, olsem wanfala dia wea hemi barava dae fo wata an hemi laekem tumas fo dring long springwata.

Sams 44:1

God, olketa bikfala samting wea yu bin duim bifoa kam yet, long taem blong olketa olo blong mifala, mifala seleva bin herem finis long ia blong mifala. An olketa olo blong mifala i bin talem finis long mifala.

Sams 49:1

Evriwan long evri ples, yufala mas lisin kam gudfala. Olketa bikman an olketa pipol. Olketa risman an olketa pua pipol. Yufala evriwan long wol yufala mas herem kam disfala samting.

Sams 84:10

God blong mi, sapos mi stap fo wanfala de nomoa insaet long Tambuhaos blong yu, hemi moabeta winim sapos mi stap fo 1,000 de long eni narafala ples. Nomata mi stanap nomoa long doa blong Tambuhaos blong yu, hemi moabeta winim sapos mi stap insaet long haos blong olketa nogud pipol.

Jeremaea 35:4

Mi tekem olketa go long Tambuhaos blong Yawe, an mifala go insaet long rum blong olketa man blong Profet Hanan, san blong Igdalaea hu hemi man blong God. Rum ya hemi kolsap long rum blong olketa bikman blong Tambuhaos ya, an hemi stap stret antap long rum blong Maasea, san blong Salum, wea hemi bikman blong Tambuhaos ya hu hemi holem ki blong bikfala doa blong hem.

Jeremaea 52:24

Nebusaradan hu hemi komanda long spesol ami blong king, hemi holem Hedprist Seraea an Prist Sefenaea wea hemi mektu prist, wetem trifala bikman blong Tambuhaos blong Yawe.