1 Kronikols 9:1 - Pijin Bible

¹ Hem nao olketa rekod long olketa nem blong evriwan blong Israel wea olketa bin raetem long buk abaotem olketa king blong Israel. Bikos pipol blong Jiuda i no tinghevi long God, ami blong Babilonia i bin fosim olketa blong Jiuda go long Babilonia.

Pijin Deuterocanon

¹ Hem nao olketa rekod long olketa nem blong evriwan blong Israel wea olketa bin raetem long buk abaotem olketa king blong Israel. Bikos pipol blong Jiuda i no tinghevi long God, ami blong Babilonia i bin fosim olketa blong Jiuda go long Babilonia.

1 Kronikols 9:1 ပူးပေါင်းရင်းမြစ်များ

1 Kings 14:19

Olketa narafala samting wea King Jeroboam hemi duim, an olketa faet wea hemi mekem, an wei blong hem fo rul, evrisamting ya, olketa raetemdaon long Buk Abaotem Olketa Samting Olketa King blong Israel i Duim.

2 Kings 24:14

An hemi fosim evriwan fo lusim Jerusalem. Olketa fosim aot olketa bikman an olketa komanda, an olketa wakaman hu i save duim waka long aean an long timba. Olketa evriwan i kasem olsem 10,000 pipol. Hemi lusim nomoa olketa pua pipol, olketa nao stap long lan blong Jiuda.

2 Kings 24:15

King Nebukadnesa hemi tekem King Jehoeakin wetem mami blong hem, an olketa waef blong hem, an olketa bikman blong haos blong hem, an olketa lida blong Jiuda. Hemi tekem olketa ya go long biktaon long Babilon.

2 Kings 24:16

An hemi tekem tu evriwan blong ami blong Jerusalem, hem nao 7,000 soldia wea fit fo faet, an 1,000 wakaman wea i save duim waka long aean.

1 Kronikols 8:40

Olketa san blong Ulam i barava gudfala soldia, an olketa i nambawan man fo sut long bou. Olketa long laen blong Ulam i kasem 150 man. Nao evriwan long olketa ya i blong traeb blong Benjamin.

2 Kronikols 33:11

So hemi mekem olketa komanda blong ami blong Asiria fo kam faetem olketa. Olketa kasholem Manase, an putum huk long nous blong hem. Olketa taemapem hem long bras sen, an olketa tekem hem go long Babilon.

Esra 2:1

Hem ya nao nem blong olketa pipol blong disfala provins wea ami blong King Nebukadnesa bin fosim olketa fo lusim lan blong olketa an go stap long Babilonia. Olketa ya i kambaek long barava ples blong olketa long Jerusalem an olketa narafala ples long Jiuda.

Esra 2:59

Samfala pipol hu i gobaek from Babilonia i blong olketa laen wea i bin stap bifoa long olketa taon long Tel-Mela, an Tel-Hasa, an Kerub, an Adon, an Ima. Bat olketa pipol ya no save somaot dat olketa barava long olketa laen blong Israel.

Nehemaea 11:1

Oraet, olketa lida i mekem hom blong olketa long Jerusalem, an olketa narafala pipol i yusim olketa spesol ston fo faendemaot wanem famili nao hemi mas stap long tambu taon ya. Long evri ten famili, olketa siusimaot wanfala famili fo muv go long taon, an naen narafala famili ya i stap nomoa long olketa ples blong olketa.

Nehemaea 7:5

From samting ya nao, God hemi putum wanfala tingting insaet long maen long mi, fo mi kolem kam olketa bikman wetem olketa lida an olketa narafala pipol fo hipap kam tugeta, mekem mi sekemap olketa famili blong olketa long rekod wea nem blong olketa olo long bifoa i stap long hem. Mi faendem buk ya wea nem blong olketa faswan fo kambaek from Babilonia i stap long hem. Ripot wea hemi stap long disfala buk ya, hemi olsem:

Nehemaea 7:64

Nao olketa prist ya i lukaotem rekod fo somaot dat olketa barava long olketa laen ya, bat olketa kanduit faendem. So olketa bikman blong olketa prist i no alaom olketa ya fo waka olsem prist.

Aesaea 3:2

Bae hemi tekemaot tu olketa sif blong ami, wetem olketa strongman fo faet an olketa soldia, an olketa bikman blong gavman, olketa jaj an profet an advaesa, an olketa majik man wetem olketa kleva man, an olketa man hu i save hao fo wakem olketa gudfala samting.

Jeremaea 13:19

Olketa taon long saot blong Jiuda, bae olketa enemi i winim an satem, an no eniwan hemi stap fo openem moa. Evri pipol blong Jiuda, bae olketa enemi i fosim olketa evriwan fo lusim lan blong olketa, an mekem olketa fo stap long narafala ples.”

Jeremaea 39:9

An Nebusaradan hu hemi sif long spesol ami blong bikfala king blong Babilonia, hemi tekem olketa hu i stap yet insaet long taon, wetem olketa hu bin ranawe from taon fo go joenem olketa blong Babilonia long aotsaet, nao hemi fosim olketa evriwan fo lusim lan blong olketa an go stap long Babilonia.

Daniel 1:2

God hemi letem King Nebukadnesa fo winim King Jehoeakim long faet ya. So, King Nebukadnesa hemi tekem olketa gudfala samting wea olketa yusim long wosip insaet long Tambuhaos blong God. An hemi fosim tu plande pipol blong Jiuda fo lusim lan blong olketa an go long Babilonia. Hemi tekem olketa gudfala samting wea hemi tekem from Tambuhaos blong God, an hemi putum gudfala wetem olketa gudfala samting blong hem insaet long haos fo wosipim olketa god blong hem.