1 Kronikols 7:29 - Pijin Bible

²⁹ Nao traeb blong Manase i tekova long lan long saet long not long olketa taon long Bet-San, an Taanak, an Megido, an Doa wetem olketa vilij raonem olketa. Traeb ya wea i stap long olketa lan, i laen blong Josef hu hemi san blong Israel.

Pijin Deuterocanon

²⁹ Nao traeb blong Manase i tekova long lan long saet long not long olketa taon long Bet-San, an Taanak, an Megido, an Doa wetem olketa vilij raonem olketa. Traeb ya wea i stap long olketa lan, i laen blong Josef hu hemi san blong Israel.

1 Kronikols 7:29 ပူးပေါင်းရင်းမြစ်များ

1 Kings 4:12

Baana, san blong Ahilud, hemi lukaftarem tufala taon long Taanak an Megido. An hemi lukaftarem eria long Bet-San kolsap long taon long Saretan, eria ya hemi saot long taon long Jesreel, an hemi go kasem taon long Abel-Mehola an taon long Jokmeam.

1 Kings 9:15

King Solomon hemi fosim olketa man fo duim waka long Tambuhaos blong Yawe, an long bikfala haos blong hem. Olketa waka tu fo fulumapem graon long wanfala eria long saet long hil insaet long Jerusalem wea hemi save wakem olketa haos antap long hem, an olketa bildim wolston blong biktaon ya tu. An olketa bildim moa trifala taon, wea olketa kolem, Hasoa, an Megido, an Gesa.

2 Kings 23:29

Long taem wea Josaea hemi king, King Neko blong Ijip hemi tekem ami blong hem, an olketa go long Yufretis Riva fo helpem king blong Asiria. King Josaea hemi goaot wetem ami blong hem fo faetem King Neko. Olketa faet long eria long Megido, bat King Neko hemi kilim Josaea dae.

2 Kings 9:27

Taem King Ahasaea hemi lukim samting ya, hem tu hemi tanem kaat fo faet blong hem, an hemi ranawe go long taon long Bet-Hagan. Bat Jehu hemi aftarem hem, an hemi tok olsem long olketa soldia blong hem, “!Yufala sutim hem dae!” King Ahasaea hemi falom rod go long Gua, an taem hemi kam kolsap long taon long Ibleam, olketa sutim hem. Bat hemi traehad, an go-go hemi kasem taon long Megido. Den hemi dae long taon ya.

2 Kronikols 35:22

Bat King Josaea hemi no lisin long toktok wea God hemi mekem King Neko fo talem long hem. So hemi no lusim hem, bat hemi go fo faet. Bat taem hemi go, hemi werem olketa narafala kaleko, mekem olketa soldia blong Ijip i no luksave long hem. Den hemi go fo faetem olketa long bikfala flat eria long Megido.

Sekaraea 12:11

Long datfala de, olketa pipol long Jerusalem bae i krae tumas, olsem wea bifoa, olketa pipol i krae long Hadad-Rimon long flat ples ya kolsap long taon long Megido.

Revelesin 16:16

Den trifala ravis devol ya olketa mekem olketa king fo hipap long wanfala ples, wea long langguis long Hibru olketa kolem Amagedon.

Jajis 5:19

Olketa sif i kam fo faet. Ya, olketa sif blong Kenan i kam long faet. Nomata olsem, long Taanak kolsap long wata long Megido, olketa nating winim eni gud samting fo tekem gobaek.

1 Samuel 31:10

Bihaen, olketa putum olketa samting fo faet blong Sol long tambuhaos blong woman god ya Astarot, an olketa hangem bodi blong hem long bikfala wolston blong taon long Bet-San.