1 Kronikols 7:21 - Pijin Bible

²¹ Tahat hemi bonem Sabad. Sabad hemi bonem Sutela. An Efrem hemi garem tufala san moa wea nem blong tufala, Esa an Elead. Tufala ya i bin trae fo stilim olketa buluka blong pipol long Gat, so olketa kilim tufala dae.

Pijin Deuterocanon

²¹ Tahat hemi bonem Sabad. Sabad hemi bonem Sutela. An Efrem hemi garem tufala san moa wea nem blong tufala, Esa an Elead. Tufala ya i bin trae fo stilim olketa buluka blong pipol long Gat, so olketa kilim tufala dae.

1 Kronikols 7:21 ပူးပေါင်းရင်းမြစ်များ

1 Kronikols 7:20

Hem nao rekod long traeb blong Efrem. Efrem hemi bonem Sutela. Sutela hemi bonem Bered. Bered hemi bonem Tahat. Tahat hemi bonem Eleada. Eleada hemi bonem Tahat.

1 Kronikols 7:22

Long datfala taem, Efrem hemi sore tumas fo plande de. An olketa wantok blong hem i kam fo filsore wetem hem an strongim tingting blong hem.

Esikiel 25:15

“Lod Yawe nao hemi tok olsem: Fo longtaem nao, olketa blong kantri long Filistia i enemi wetem pipol blong Jiuda an faet baek agensim olketa. Olketa gohed fo faet agensim olketa ya fo sensimbaek wanem olketa blong Jiuda i bin duim long olketa ya ka-kam kasem tude. Olketa barava heitem olketa ya.

Gudnius abaotem Jisas Kraes wea Jon hemi raetem 11:19

So plande long olketa Jiu nao olketa kam long Mata an Meri fo helpem tufala, mekem tufala no sore tumas long brata blong tufala hu hemi dae ya.

1 Samuel 5:10

So olketa sendem Tambu Boks ya go long Ekron, wea hemi wanfala taon moa blong Filistia. Taem olketa karim Tambu Boks ya go kasem Ekron, olketa man blong taon ya i gohed fo singaot olsem, “!Sei! Olketa tekem kam Tambu Boks blong Israel long ples blong yumi. !Ating olketa wande kilim yumi nao ya!”

1 Samuel 5:8

So olketa sendem samfala man fo go kolem faefala sif blong olketa fo hipap tugeta. Den olketa askem olketa sif ya olsem, “?Wanem nao bae yumi duim long disfala Tambu Boks blong God blong Israel?” Olketa sif ya i tok olsem, “Yufala tekemaot Tambu Boks from ples ya an karim go long taon long Gat.” So olketa karim go long Gat.