1 Kronikols 5:23 - Pijin Bible

²³ Haf long traeb blong Manase wea i stap long saet long ist long Jodan Riva i garem staka pipol. Olketa mekem ples blong olketa long eria long Basan. Olketa stap kam long eria long not wea hemi go kasem tufala taon long Baal-Hemon an Senia kolsap long maonten long Hemon.

Pijin Deuterocanon

²³ Haf long traeb blong Manase wea i stap long saet long ist long Jodan Riva i garem staka pipol. Olketa mekem ples blong olketa long eria long Basan. Olketa stap kam long eria long not wea hemi go kasem tufala taon long Baal-Hemon an Senia kolsap long maonten long Hemon.

1 Kronikols 5:23 ပူးပေါင်းရင်းမြစ်များ

1 Kronikols 5:24

Nem blong olketa lida blong olketa laen i olsem: Efa, an Isi, an Eliel, an Asriel, an Jeremaea, an Hodavaea, an Jadiel. Olketa ya i nambawan soldia, an olketa pipol i tinghae long olketa.

Sams 133:3

Hemi olsem wea pipol i hapi taem staka ren hemi foldaon long drae eria long Saeon. Long sem wei tu long Saeon, Yawe hemi gohed fo blesim laef blong olketa olowe nao. (Olketa pipol i singim disfala singsing ya taem olketa wakabaot goap fo fist long Jerusalem.)

Nambawan Singsing 4:8

!Kam, braed blong mi! Yu kam wetem mi. Bae yumitufala goaot from olketa maonten long Lebanon. Bae yumitufala godaon from antap long maonten long Amana, an from antap long tufala maonten long Senia an Hemon, wea olketa wael animol ya laeon an lepad i stap long hem.

Esikiel 27:5

Olketa mekem yu long paen tri from maonten long Hemon, an olketa mekem mast blong yu long sida tri from Lebanon.

Nambas 26:28

Traeb blong Manase, san blong Josef, hemi kamap traeb blong Makia, san blong Manase. Makia hemi olo long laen blong Gilead. Laen blong Gilead hemi garem olketa smol laen olsem: laen blong Yesa, an laen blong Helek, an laen blong Asriel, an laen blong Sekem, an laen blong Semida, an laen blong Hefa.

Diutronomi 33:17

Traeb blong Efrem, hemi garem plande taosen man, an traeb blong Manase, hemi garem plande taosen man tu. Yutufala traeb i strong olsem fasbon man buluka, an yufala save faet olsem wael man buluka. Bae yutufala traeb save spoelem olketa pipol blong olketa narafala kantri, an nomata olketa pipol ya i stap long en blong wol, bae yutufala save spoelem olketa.

Josua 13:11

Lan ya hemi go kasem olketa lan long distrik long Gilead, an long distrik blong olketa man blong Gesua, an long distrik blong olketa pipol long Maaka, wetem evri ples long maonten long Hemon, wetem evri ples long distrik long Basan wea hemi kasem taon long Saleka.