1 Kronikols 3:16 - Pijin Bible

¹⁶ An Jehoeakim hemi garem tufala san wea nem blong tufala, Jehoeakin an Sedekaea.

Pijin Deuterocanon

¹⁶ An Jehoeakim hemi garem tufala san wea nem blong tufala, Jehoeakin an Sedekaea.

1 Kronikols 3:16 ပူးပေါင်းရင်းမြစ်များ

2 Kings 24:17

An Nebukadnesa hemi mekem Matanaea, wanfala angkol blong King Jehoeakin, fo kamap king long Jiuda. Den hemi sensim nem blong hem, nao hemi kolem hem King Sedekaea.

2 Kings 24:6

Taem hemi dae, san blong hem Jehoeakin, hemi sensim hem fo kamap king.

2 Kings 24:8

Long taem wea Jehoeakin hemi kamap king long Jiuda, hemi kasem eitin yia. An hemi king long Jerusalem fo trifala mans nomoa. An mami blong hem Nehusta hu hemi dota blong Elnatan, blong Jerusalem.

2 Kings 25:27

Long mekteti-seven yia wea King Jehoeakin blong Jiuda hemi stap long prisin yet long Babilon, King Evil-Merodak hemi kamap king blong Babilonia. Nao long sem yia, long mektuel mans, long mektuenti-seven de blong hem, king ya hemi tekemaot King Jehoeakin from prisin ya, an letem hem fo go fri.

1 Kronikols 3:15

Josaea hemi garem fofala san olsem: Johanan hu hemi fasbon, an Jehoeakim hu hemi mektu san, an Sedekaea hu hemi mektri san, an Jehoahas hu hemi mekfoa san.

1 Kronikols 3:17

King Jehoeakin wea olketa tekem hem go long prisin long Babilon, hemi garem sevenfala san. Olketa nao i Sealtiel,

2 Kronikols 36:15

Yawe hu hemi God blong olketa olfala grani blong olketa, hemi gohed fo sendem kam olketa profet blong hem fo toktok long olketa, bikos hemi sore long olketa, an hemi tingstrong long Tambuhaos blong hem tu.

2 Kronikols 36:9

Long taem wea Jehoeakin hemi kamap king long Jiuda, hemi kasem eitin yia. An hemi king long Jerusalem fo trifala mans an tenfala de nomoa. King ya hemi duim olketa nogud samting long ae blong Yawe.

Jeremaea 22:24

Yawe hemi gohed fo talemaot mesij blong hem. Hemi tok olsem, “King Jehoeakin, san blong Jehoeakim, king blong Jiuda. Mi mekem disfala strongfala promis long nem blong mi seleva nao. Nomata yu olsem wanfala gol ring wea hemi stap long fingga long raet han blong mi, wea hemi saen blong paoa blong mi, bat mi bae mi pulumaot yu from fingga ya.

Jeremaea 22:28

(Profet) !Ooo! ?Waswe, hem nao King Jehoeakin ya? ?King ya hemi kamap samting nating olsem wanfala pot wea olketa wakem long graon wea hemi brek, an no eniwan hemi laekem? ?Waswe nao olketa enemi ya save kam torowem hem goaot wetem olketa pikinini blong hem fo go long kantri wea i no save long hem?

Jeremaea 37:1

King Nebukadnesa blong Babilonia, hemi holem King Jehoeakin, san blong Jehoeakim, an hemi mekem Sedekaea, san blong King Josaea, fo kamap king blong Jiuda.

Matiu 1:11

an Josaea hemi dadi blong Jehoeakin wetem olketa brata blong hem, wea olketa stap long taem olketa enemi i tekem olketa pipol blong Israel fo go long kantri long Babilon.