1 Kronikols 29:29 - Pijin Bible

²⁹ Stori abaotem laef blong King Deved, stat long taem wea hemi kamap king go kasem en long laef blong hem, olketa raetemdaon long buk blong olketa ripot blong Profet Samuel, an Profet Natan, an Profet Gad.

Pijin Deuterocanon

²⁹ Stori abaotem laef blong King Deved, stat long taem wea hemi kamap king go kasem en long laef blong hem, olketa raetemdaon long buk blong olketa ripot blong Profet Samuel, an Profet Natan, an Profet Gad.

1 Kronikols 29:29 ပူးပေါင်းရင်းမြစ်များ

2 Samuel 24:11

Nao Yawe hemi tok long Profet Gad, hu hemi man blong King Deved fo lukim spesol drim. Hemi sei olsem, “Gad, yu go lukim king, an talem hem bae mi panisim hem. Trifala panis nao i stap redi fo hem, an hemi mas siusim wanfala fo mi duim agensim hem.” Long neks moning, taem king hemi wekap,

1 Kings 11:41

Olketa narafala stori abaotem King Solomon, wetem evrisamting wea hemi duim an olketa waes toktok blong hem, olketa raetemdaon long Buk Abaotem Olketa Samting King Solomon hemi Duim.

1 Kings 14:29

Olketa narafala samting wea King Rehoboam hemi duim, olketa raetemdaon long Buk Abaotem Olketa Samting Olketa King blong Jiuda i Duim.

1 Kronikols 29:30

Olketa ripot ya i tokabaotem olketa samting wea hemi mekem taem hemi king. Olketa somaot dat hemi wanfala strongfala king. An olketa raet abaotem olketa samting wea i kasem hem an olketa pipol blong Israel, an olketa samting wea i kasem olketa narafala king long olketa kantri raonem Israel.

1 Kronikols 9:22

Olketa evriwan wea olketa siusim fo gadem olketa ples ya, i kasem 212. An olketa bin raetemdaon nem blong olketa long rekod blong laen falom olketa vilij blong olketa. Bifoa, King Deved an Profet Samuel, tufala siusim olketa olfala grani blong olketa fo barava lukaftarem waka ya.

2 Kronikols 12:15

Olketa samting wea hemi duim, stat long taem wea hemi rul, kam kasem en blong hem, an olketa rekod long olketa laen blong hem, olketa raetemdaon long Rekod blong Profet Semaea, an long Rekod blong Profet Ido. Long taem wea Rehoboam hemi king, hem wetem King Jeroboam, tufala gohed fo faet olowe.

2 Kronikols 25:26

Olketa narafala samting wea Amasaea hemi duim, olketa raetemdaon long Buk Abaotem Olketa Samting Olketa King blong Jiuda an Israel i Duim.

2 Kronikols 9:29

Olketa narafala samting wea King Solomon hemi duim, from taem wea hemi stat fo rul kam kasem en blong hem, olketa raetemdaon long trifala buk wea olketa kolem, Rekod blong Profet Natan, an Olketa Toktok blong Profet Ahaeja hu hemi man blong Saelo, an Olketa Spesol drim blong Profet Ido abaotem King Jeroboam long Israel.

1 Samuel 22:5

Den Profet Gad hemi kam lukim hem, an tok olsem long hem, “Yu mas no stap long disfala strongfala sef ples. Distaem yu mas gobaek long distrik blong Jiuda.” So olketa goaot an stap kam long bus long Heret.

1 Samuel 9:9

Sol hemi tok olsem, “Oraet, hemi gud. Yumitufala go long disfala man fo lukim spesol drim.” Hemi tok olsem bikos long taem ya, olketa pipol save kolem eni profet olsem man fo lukim spesol drim. An taem olketa wande faendemaot samting long God, olketa save sei, “Yumi go long man fo lukim spesol drim.” Oraet, tufala go nao long taon wea man blong God hemi stap long hem.