1 Kronikols 27:33 - Pijin Bible

³³ Ahitofel hemi advaesa blong king. Husae hu hemi long laen blong Aki, hemi fren blong king.

Pijin Deuterocanon

³³ Ahitofel hemi advaesa blong king. Husae hu hemi long laen blong Aki, hemi fren blong king.

1 Kronikols 27:33 ပူးပေါင်းရင်းမြစ်များ

2 Samuel 15:12

Long semtaem hemi mekem sakrifaes, hemi sendem toktok go long taon long Gilo fo kolem kam Ahitofel. Man ya, hemi wanfala long olketa advaesa blong king. Nao plan blong hem fo agensim king hemi kamap strong moa. An olketa man wea i gohed fo sapotem hem i gohed fo kamap plande moa.

2 Samuel 15:32

Nao antap long hil ya, long tambuples long dea, Deved hemi mitim Husae, wanfala man long laen blong Aki. Man ya hemi bin brekem kaleko blong hem, an hemi putum dast long hed blong hem, fo somaot dat hemi filnogud.

2 Samuel 15:37

So Husae hu hemi fren blong Deved, hemi gobaek long Jerusalem. An hemi kasem taon ya long semtaem wea Absalom hemi jes go insaet long taon ya.

2 Samuel 16:23

Long datfala taem, eni toktok wea Ahitofel hemi talem, hemi nambawan tumas olsem wea hemi barava toktok blong God. Nomata Deved o Absalom, tufala evriwan i tinghae tumas long olketa toktok blong Ahitofel.

2 Samuel 17:23

Taem Ahitofel hemi save dat olketa no falom plan blong hem, hemi redim dongki blong hem, an hemi raedem gobaek long hom blong hem. Den hemi stretem evri bisnis blong hem. Bihaen hemi tekem rop, an hemi go hangem hem seleva dae. An olketa famili blong hem i berem hem long beregraon blong olketa.

1 Kings 4:5

Asaraea, san blong Natan, hemi bikman long olketa gavna wea i lukaftarem olketa provins. Sabud, san blong Natan, hemi wanfala prist an advaesa blong king.

1 Kronikols 27:32

Jonatan hu hemi wantok blong Deved, hemi save tumas an hemi wanfala man fo givim gudfala advaes. Nao Jonatan an Jehiel, san blong Hakmoni, tufala skulim olketa pikinini blong king.

Sams 55:13

Bat wea, yu nomoa ya, wea yumitufala i fren, an yu gudfala fren blong mi nomoa ya.

Sekaraea 13:7

Yawe hu hemi garem evri paoa, hemi gohed fo tok olsem, ?!Naef fo faet blong mi! Yu mekredi fo agensim fren blong mi hu hemi lukaftarem sipsip blong mi. Yu kilim hem, an bae olketa sipsip ya i go olobaot. Bae mi agensim tu olketa smolfala sipsip blong mi.