1 Kronikols 26:12 - Pijin Bible

¹² Olketa laen long olketa sekiuriti ya i garem waka blong olketa falom man hu hemi lidim laen ya. Evri laen i garem taem fo gadem Tambuhaos, olketa waka long hem olsem narafala Livaet.

Pijin Deuterocanon

¹² Olketa laen long olketa sekiuriti ya i garem waka blong olketa falom man hu hemi lidim laen ya. Evri laen i garem taem fo gadem Tambuhaos, olketa waka long hem olsem narafala Livaet.

1 Kronikols 26:12 ပူးပေါင်းရင်းမြစ်များ

2 Kings 7:10

So olketa gobaek long biktaon, an kolem olketa sekiuriti blong geit long wolston, an sei olsem, “Mifala go long ples blong ami blong Siria, bat mifala no lukim eniwan, an mifala no herem eniwan hemi toktok. Olketa haostent blong olketa i stap gudfala nomoa, an olketa hos an dongki wea olketa taemap i stap yet.”

1 Kronikols 25:8

Olketa divaedem olketa man long tuenti-foa grup falom olketa lida ya. Nomata olketa man i olo o yanga, an nomata olketa i tisa o student, olketa yusim olketa spesol ston fo save long waka blong olketa grup.

1 Kronikols 26:11

Hilkaea hemi mektu long olketa san ya. Tabalaea hemi mektri long olketa san ya. An Sekaraea hemi mekfoa long olketa san ya. Nao long laen blong Hosa, hemi garem tetin man.

1 Kronikols 26:13

Nomata olketa laen i bikfala o smolfala, olketa yusim olketa spesol ston fo faendemaot wanem geit nao olketa laen i save gadem.

1 Kronikols 9:23

So olketa wea i bon kam long laen blong olketa i bin gohed fo gadem olketa geit fo go long Tambuhaos blong Yawe.

2 Kronikols 31:14

Nao narafala Livaet wea nem blong hemi Kore, san blong Imna, hemi lukaftarem sekiuriti long geit blong Tambuhaos long saet long ist. Kore hemi lukaftarem tu olketa ofaring wea eniwan hemi givim falom wanem hemi laek fo givim long God. An hemi divaedem go olketa ofaring ya, an olketa tambu ofaring, mekem hemi givim go long olketa prist an Livaet.

2 Kronikols 35:15

Long de blong fist ya, olketa long laen blong Asaf i gohed fo pleim miusik. Olketa stanap long olketa ples barava olsem wea King Deved, an Asaf, an Heman, an Jedutun hu hemi profet blong king, i bin talem bifoa. An olketa sekiuriti blong olketa geit long Tambuhaos ya i no lusim ples blong olketa tu, bikos olketa narafala Livaet i redim kaikai blong Pasova fo olketa ya.