1 Kronikols 25:8 - Pijin Bible

⁸ Olketa divaedem olketa man long tuenti-foa grup falom olketa lida ya. Nomata olketa man i olo o yanga, an nomata olketa i tisa o student, olketa yusim olketa spesol ston fo save long waka blong olketa grup.

Pijin Deuterocanon

⁸ Olketa divaedem olketa man long tuenti-foa grup falom olketa lida ya. Nomata olketa man i olo o yanga, an nomata olketa i tisa o student, olketa yusim olketa spesol ston fo save long waka blong olketa grup.

1 Kronikols 25:8 ပူးပေါင်းရင်းမြစ်များ

1 Kronikols 15:22

Bikos Kenanaea hemi save tumas long miusik, olketa mekem hem lida long olketa man ya.

1 Kronikols 24:31

Olketa bin yusim spesol ston fo makem waka blong olketa laen ya long sem wei wea olketa duim fo olketa wantok hu i prist long laen blong Eron. King Deved, an Prist Sadok, an Prist Ahimelek, an olketa bikman long laen blong olketa prist an long olketa Livaet, olketa evriwan i witnes long samting ya. Evri laen hemi semsem nomoa, nomata hemi laen blong fasbon san, o hemi laen blong lasbon san.

1 Kronikols 24:5

Nao tufala laen evriwan i garem olketa prist an olketa bikman long Tambuhaos, so Deved, an Sadok, an Ahimelek i yusim olketa spesol ston fo faendemaot hu nao bae hemi holem watkaen waka. Hem nao wei wea olketa divaedem olketa man long stretfala wei.

1 Kronikols 25:2

Fas grup hemi garem fofala san blong Asaf olsem: Sakua, an Josef, an Netanaea, an Asarela. Olketa nao i waka andanit long Asaf. Olketa gohed fo dans an singsing fo preisim God long taem wea king hemi talem.

1 Kronikols 25:9

Evri grup hemi garem tuelfala man long hem. Olketa tuenti-foa grup i garem lida wetem olketa long laen blong hem. Fas grup wea hemi blong Asaf, lida blong hem nao Josef. Mektu grup hemi blong Gedalaea. Mektri grup hemi blong Sakua. Mekfoa grup hemi blong Seri. Mekfaev grup hemi blong Netanaea. Meksiks grup hemi blong Bukaea. Mekseven grup hemi blong Asarela. Mekeit grup hemi blong Jesaea. Meknaen grup hemi blong Matanaea. Mekten grup hemi blong Simei. Mekleven grup hemi blong Usiel. Mektuel grup hemi blong Hasabaea. Mektetin grup hemi blong Sebuel. Mekfotin grup hemi blong Matitaea. Mekfiftin grup hemi blong Jerimot. Meksikstin grup hemi blong Hananaea. Mekseventin grup hemi blong Josbekasa. Mekeitin grup hemi blong Hanani. Meknaentin grup hemi blong Maloti. Mektuenti grup hemi blong Eliata. Mektuenti-wan grup hemi blong Hotia. Mektuenti-tu grup hemi blong Gidalti. Mektuenti-tri grup hemi blong Mahasiot. Mektuenti-foa grup hemi blong Romamtiesa.

1 Kronikols 26:13

Nomata olketa laen i bikfala o smolfala, olketa yusim olketa spesol ston fo faendemaot wanem geit nao olketa laen i save gadem.

1 Kronikols 26:16

Olketa siusim laen blong Supim an Hosa fo gadem geit long saet long west, an fo gadem geit wea olketa kolem “Saleket Geit” wea hemi long rod wea hemi antap. Oltaem, olketa sekiuriti i gadem olketa geit go-go taem blong olketa i finis, an olketa nara sekiuriti i kam fo tekem ples blong olketa.

2 Kronikols 23:13

Den hemi lukim king ya hemi stanap long ples blong king kolsap long bikfala pos long doa blong Tambuhaos ya. Olketa komanda i stanap raonem hem, an olketa man fo bloum trampet i gohed fo bloum olketa trampet. An evriwan i singaot bikfala, bikos olketa hapi fogud. Nao Kuin Atalaea hemi filnogud tumas, so hemi brekem kaleko blong hem. An hemi singaot olsem, “!Olketa agri nogud fo aotem mi! !Olketa agri nogud fo aotem mi!”

Nehemaea 12:24

Long datfala taem tu, olketa hed blong olketa Livaet i olsem: Hasabaea, an Serebaea, an Jesua, san blong Kadmiel. Olketa ya i stanap long wanfala saet blong Tambuhaos fo singim olketa preis singsing, an olketa wantok blong olketa i stanap long narasaet fo singim ansa long singsing ya, barava olsem King Deved hu hemi man blong God, hemi bin tisim olketa Livaet bifoa.

Provebs 16:33

Man hemi trae faendemaot wanem fo duim, Yawe nomoa hemi mekem ansa kamaot.

Levitikas 16:8

Long dea, hemi mas yusim tufala spesol ston, wea olketa bin makem ‘Blong Yawe’ long wanfala, an ‘Blong Asasel’ long narawan. An hemi mas yusim tufala ston ya fo faendemaot wanem nanigot hemi blong mi an wanem nanigot hemi go long Asasel.

Aposol 1:26

Bihaen, olketa rolem spesol ston fo siusim niufala aposol. An tufala ston somaot Mataeas, so hemi kamap mektuel long olketa aposol.