1 Kronikols 25:1 - Pijin Bible

¹ King Deved wetem olketa lida blong olketa Livaet i siusimaot laen blong Asaf, an laen blong Heman, an laen blong Jedutun, mekem olketa lidim wosip. Waka blong olketa, hemi fo dans an singsing fo preisim God long taem olketa pleim simbol, an ringim olketa kaen gita. Nem blong olketa man wea i duim waka ya i olsem:

Pijin Deuterocanon

¹ King Deved wetem olketa lida blong olketa Livaet i siusimaot laen blong Asaf, an laen blong Heman, an laen blong Jedutun, mekem olketa lidim wosip. Waka blong olketa, hemi fo dans an singsing fo preisim God long taem olketa pleim simbol, an ringim olketa kaen gita. Nem blong olketa man wea i duim waka ya i olsem:

1 Kronikols 25:1 ပူးပေါင်းရင်းမြစ်များ

1 Kings 10:12

King Solomon hemi yusim olketa almug timba fo mekem olketa step long lada long Tambuhaos blong Yawe, an long bikfala haos blong hem. An hemi yusim timba ya tu fo wakem olketa deferen kaen gita, mekem olketa ringim fo singsing long Tambuhaos. Bihaen long taem ya, no eniwan hemi tekem kam eni almug timba olsem long Israel.)

2 Kings 3:15

Yufala go tekem kam wanfala man wea hemi save ringim gita.” Nao taem man ya hemi ringim gita, paoa blong Yawe hemi kam long Profet Elaesa.

1 Kronikols 12:28

An olketa garem tu Sadok hu hemi strongfala man fo faet, an hemi kam wetem tuenti-tu wantok blong hem hu i olketa lida tu.

1 Kronikols 13:8

Oraet, Deved an plande pipol blong Israel i barava dans fogud, an singsing fo liftimap nem blong God. An olketa gohed fo ringim olketa kaen gita, an tamborin, an smolfala dram, an simbol blong olketa.

1 Kronikols 15:28

So taem evriwan long Israel i tekem kam Tambu Boks long Spesol Agrimen blong Yawe long Jerusalem, olketa gohed fo singaot bikfala, an barava hapi fogud. An olketa gohed fo bloum olketa kaen trampet, an ringim olketa simbol, an ringim enikaen gita.

1 Kronikols 23:2

Bihaen, King Deved hemi kolem kam olketa lida blong Israel, wetem olketa prist, an olketa Livaet fo kam tugeta.

1 Kronikols 25:2

Fas grup hemi garem fofala san blong Asaf olsem: Sakua, an Josef, an Netanaea, an Asarela. Olketa nao i waka andanit long Asaf. Olketa gohed fo dans an singsing fo preisim God long taem wea king hemi talem.

1 Kronikols 25:3

Mektu grup hemi garem siksfala san blong Jedutun olsem: Gedalaea, an Seri, an Jesaea, an Simei, an Hasabaea, an Matitaea. Olketa nao i waka andanit long Jedutun. Olketa gohed fo ringim gita, an dans an singsing fo preisim Yawe an talem tengkiu long hem.

1 Kronikols 25:9

Evri grup hemi garem tuelfala man long hem. Olketa tuenti-foa grup i garem lida wetem olketa long laen blong hem. Fas grup wea hemi blong Asaf, lida blong hem nao Josef. Mektu grup hemi blong Gedalaea. Mektri grup hemi blong Sakua. Mekfoa grup hemi blong Seri. Mekfaev grup hemi blong Netanaea. Meksiks grup hemi blong Bukaea. Mekseven grup hemi blong Asarela. Mekeit grup hemi blong Jesaea. Meknaen grup hemi blong Matanaea. Mekten grup hemi blong Simei. Mekleven grup hemi blong Usiel. Mektuel grup hemi blong Hasabaea. Mektetin grup hemi blong Sebuel. Mekfotin grup hemi blong Matitaea. Mekfiftin grup hemi blong Jerimot. Meksikstin grup hemi blong Hananaea. Mekseventin grup hemi blong Josbekasa. Mekeitin grup hemi blong Hanani. Meknaentin grup hemi blong Maloti. Mektuenti grup hemi blong Eliata. Mektuenti-wan grup hemi blong Hotia. Mektuenti-tu grup hemi blong Gidalti. Mektuenti-tri grup hemi blong Mahasiot. Mektuenti-foa grup hemi blong Romamtiesa.

1 Kronikols 6:16

Livae hemi garem trifala san wea nem blong trifala, Geson, an Kohat, an Merari.

1 Kronikols 6:33

Hem ya nao trifala man hu i lidim miusik. Fas man fo lidim miusik hemi Heman. Heman hemi bon kam long laen blong Kohat, an olketa olo blong hem i olsem: Heman hemi san blong Joel. Joel hemi san blong Samuel. Samuel hemi san blong Elkana. Elkana hemi san blong Jeroham. Jeroham hemi san blong Eliel. Eliel hemi san blong Toha. Toha hemi san blong Suf. Suf hemi san blong Elkana. Elkana hemi san blong Mahat. Mahat hemi san blong Amasae. Amasae hemi san blong Elkana. Elkana hemi san blong Joel. Joel hemi san blong Asaraea. Asaraea hemi san blong Sefenaea. Sefenaea hemi san blong Tahat. Tahat hemi san blong Asia. Asia hemi san blong Ebiasaf. Ebiasaf hemi san blong Kora. Kora hemi san blong Isaha. Isaha hemi san blong Kohat. Kohat hemi san blong Livae. An Livae hemi san blong Israel.

1 Kronikols 6:39

Nao Asaf hemi wantok blong Heman, an taem hemi waka long Tambuhaos hemi stanap long raet saet long Heman. Asaf hemi bon long laen blong Geson, an olketa olo blong hem i olsem: Asaf hemi san blong Berekaea. Berekaea hemi san blong Simea. Simea hemi san blong Maekol. Maekol hemi san blong Baasea. Baasea hemi san blong Malkaeja. Malkaeja hemi san blong Etni. Etni hemi san blong Sera. Sera hemi san blong Adaea. Adaea hemi san blong Etan. Etan hemi san blong Sima. Sima hemi san blong Simei. Simei hemi san blong Jahat. Jahat hemi san blong Geson. Geson hemi san blong Livae.

1 Kronikols 6:44

Nao Etan hemi wantok blong Heman, an taem hemi waka long Tambuhaos hemi stanap long lef saet long Heman. Etan hemi bon long laen long Merari, an olketa olo blong hem i olsem: Etan hemi san blong Kisi. Kisi hemi san blong Adbi. Adbi hemi san blong Maluk. Maluk hemi san blong Hasabaea. Hasabaea hemi san blong Amasaea. Amasaea hemi san blong Hilkaea. Hilkaea hemi san blong Amsi. Amsi hemi san blong Bani. Bani hemi san blong Sema. Sema hemi san blong Mali. Mali hemi san blong Musi. Musi hemi san blong Merari. Merari hemi san blong Livae.

1 Kronikols 9:33

Nao olketa lida long olketa Livaet hu i lukaftarem miusik blong Tambuhaos, olketa stap kam long olketa rum blong Tambuhaos ya. Olketa ya i no duim eni narafala waka, bikos long de an long naet, olketa mas redi fo mekem miusik an singsing.

2 Kronikols 23:1

Nao long mekseven yia wea Joas hemi haed, Prist Jehoeada hemi somaot dat hemi strong. Hemi go toktok wetem faefala komanda blong olketa seksin long 100 soldia. Olketa agri fo mekem Joas hemi king. Nem blong faefala komanda ya i olsem: Asaraea san blong Jeroham, an Ismael san blong Jehohanan, an Asaraea san blong Obed, an Maasea san blong Adaea, an Elisafat san blong Sikri.

2 Kronikols 23:13

Den hemi lukim king ya hemi stanap long ples blong king kolsap long bikfala pos long doa blong Tambuhaos ya. Olketa komanda i stanap raonem hem, an olketa man fo bloum trampet i gohed fo bloum olketa trampet. An evriwan i singaot bikfala, bikos olketa hapi fogud. Nao Kuin Atalaea hemi filnogud tumas, so hemi brekem kaleko blong hem. An hemi singaot olsem, “!Olketa agri nogud fo aotem mi! !Olketa agri nogud fo aotem mi!”

2 Kronikols 23:18

Den Jehoeada hemi mekem olketa prist blong traeb blong Livae fo lukaftarem olketa waka long Tambuhaos blong Yawe. Waka blong olketa nao hemi fo duim evri waka wea King Deved hemi bin givim long olketa olo blong olketa bifoa. So olketa singsing an hapi tumas taem olketa bonem olketa sakrifaes go long Yawe olsem Lo blong Mosis hemi talem.

2 Kronikols 23:9

Den Prist Jehoeada hemi tekem olketa spia an olketa bikfala sil an olketa smolfala sil blong King Deved bifoa, wea olketa kipim long Tambuhaos blong God. An hemi givim long olketa komanda ya.

2 Kronikols 29:13

Long laen blong Elisafan, Simri an Jeel. Long laen blong Asaf, Sekaraea an Matanaea.

2 Kronikols 29:14

Long laen blong Heman, Jehiel an Simei. Long laen blong Jedutun, Semaea an Usiel.

2 Kronikols 31:2

King Hesekaea hemi mekem olketa grup long olketa prist an olketa Livaet. Hemi divaedem olketa long olketa grup fo duim olketa deferen waka long Tambuhaos blong Yawe. Hemi siusim samfala fo mekem olketa sakrifaes wea i barava bone, an fo mekem olketa sakrifaes fo somaot dat olketa stapgud wetem Yawe. Hemi siusim samfala fo lidim wosip long Tambuhaos. An hemi siusim samfala fo singsing fo preisim an talem tengkiu long Yawe.

2 Kronikols 34:12

Nao olketa wakaman i tinghevi tumas long waka ya. Fofala Livaet nao i bos long olketa. Fofala nao i olsem: Jahat an Obadaea, tufala long laen blong Merari, an Sekaraea an Mesulam, tufala long laen blong Kohat. Nao samfala Livaet hu i save long miusik,

2 Kronikols 35:15

Long de blong fist ya, olketa long laen blong Asaf i gohed fo pleim miusik. Olketa stanap long olketa ples barava olsem wea King Deved, an Asaf, an Heman, an Jedutun hu hemi profet blong king, i bin talem bifoa. An olketa sekiuriti blong olketa geit long Tambuhaos ya i no lusim ples blong olketa tu, bikos olketa narafala Livaet i redim kaikai blong Pasova fo olketa ya.

2 Kronikols 5:12

An evri Livaet wea i save pleim miusik i werem olketa nambawan waet kaleko, an olketa stanap kolsap long olta long saet long ist. Olketa nao i trifala laen long Asaf, an Heman, an Jedutun. Olketa gohed fo pleim olketa simbol, an olketa kaen gita. An 120 prist tu, olketa gohed fo bloum olketa trampet.

2 Kronikols 8:14

Hemi makem olketa seksin blong olketa prist fo duim waka wea olketa mas duim evri de falom rul wea dadi blong hem i bin mekem. An hemi makem olketa Livaet fo helpem olketa prist, an fo singsing an preisim God. Hemi divaedem olketa gad blong Tambuhaos long olketa seksin, an hemi mekem olketa fo gadem olketa geit blong Tambuhaos falom wei wea Deved hu hemi man blong God hemi bin talem bifoa.

Esra 2:41

Olketa Livaet long kuaea blong Tambuhaos, wea i long laen blong Asaf, namba blong olketa nao hemi kasem 128.

Esra 6:18

Long datfala taem, olketa mektambu long olketa prist an olketa Livaet long olketa spesol grup blong olketa, fo duim olketa waka ya wea olketa save duim long Tambuhaos blong Yawe long Jerusalem, barava olsem nao wea toktok long buk blong Mosis hemi talem.

Nehemaea 11:17

Matanaea, san blong Mika, wea laen blong hem hemi olsem: Sabdi, Asaf. Matanaea ya, hemi lida long kuaea long Tambuhaos blong God, fo singim prea fo talem tengkiu long hem. Bakbukaea, hu hemi mektu lida long kuaea ya. Abda, san blong Samua, wea laen blong hem hemi olsem: Galal, Jedutun.

Nehemaea 12:24

Long datfala taem tu, olketa hed blong olketa Livaet i olsem: Hasabaea, an Serebaea, an Jesua, san blong Kadmiel. Olketa ya i stanap long wanfala saet blong Tambuhaos fo singim olketa preis singsing, an olketa wantok blong olketa i stanap long narasaet fo singim ansa long singsing ya, barava olsem King Deved hu hemi man blong God, hemi bin tisim olketa Livaet bifoa.

Nehemaea 12:27

Taem mifala redi fo mektambu long bikfala wolston blong Jerusalem, olketa go lukaotem olketa Livaet long olketa ples blong olketa, fo tekem olketa kam long Jerusalem fo selebretem bikde ya. Olketa kam fo singim olketa preis singsing an fo pleim miusik long olketa simbol an olketa deferen kaen gita.

Sams 81:2

Yumi mas singsing an pleim olketa tamborin an olketa gita. Ya, yumi mas pleim olketa samting ya mekem hemi barava here gudfala.

Sams 81:3

Long fist blong Niumun, an fist blong Fulmun, yumi mas bloum konsel fo statem wosip.

Esikiel 40:44

Oraet, mi gotru long haos blong geit fo go insaet long smolfala open eria wea hemi stap kolsap long Tambuhaos, an mi lukim tufala rum nao hemi stap wea doa blong tufala hemi fesim go disfala smolfala open eria. Wanfala rum hemi stap kolsap long haos blong geit long not saet, an hemi fes go long saot, an narawan wea hemi stap kolsap long haos blong geit long ist saet, an hemi fes go long not.

1 Samuel 10:5

“An bihaen, bae yu go kasem tambuples long Gibea kolsap long ples wea olketa soldia blong Filistia i stap long hem. Taem yu kam kolsap long taon ya, bae yu faendem wanfala grup blong olketa profet wea olketa kamdaon from tambuples antap long hil. Samfala man hu i ringim deferen kaen gita, an pleim smol dram, an bloum bambu, olketa nao bae go fastaem long olketa profet. An Spirit blong God bae hemi mekem olketa profet i da-dans an singsing fo preisim God.