1 Kronikols 24:6 - Pijin Bible

⁶ Nao Semaea, san blong Netanel, wanfala Livaet, hemi raetemdaon olketa nem blong olketa lida wea olketa siusim. King Deved wetem olketa bikman blong hem, an Prist Sadok, an Prist Ahimelek, san blong Abiata, an olketa bikman long laen blong olketa prist an long olketa Livaet, olketa evriwan i witnes long samting ya.

Pijin Deuterocanon

⁶ Nao Semaea, san blong Netanel, wanfala Livaet, hemi raetemdaon olketa nem blong olketa lida wea olketa siusim. King Deved wetem olketa bikman blong hem, an Prist Sadok, an Prist Ahimelek, san blong Abiata, an olketa bikman long laen blong olketa prist an long olketa Livaet, olketa evriwan i witnes long samting ya.

1 Kronikols 24:6 ပူးပေါင်းရင်းမြစ်များ

1 Kings 4:3

Elihoref an Ahaeja, tufala san blong Sisa, tufala raetem olketa toktok blong king. Jehosafat, san blong Ahilud, hemi kipim olketa rekod blong king.

1 Kronikols 18:16

Sadok, san blong Ahitub, an Ahimelek, san blong Abiata, tufala i prist. Savsa hemi raetem olketa toktok blong king.

1 Kronikols 23:24

Hem nao nem blong olketa olo blong olketa laen long traeb blong Livae. Olketa man blong king i raetemdaon nem blong olketa, an kaontem olketa man ya wea i eij tuenti yia goap. Olketa evriwan i joen fo duim waka long Tambuhaos blong Yawe.

1 Kronikols 24:31

Olketa bin yusim spesol ston fo makem waka blong olketa laen ya long sem wei wea olketa duim fo olketa wantok hu i prist long laen blong Eron. King Deved, an Prist Sadok, an Prist Ahimelek, an olketa bikman long laen blong olketa prist an long olketa Livaet, olketa evriwan i witnes long samting ya. Evri laen hemi semsem nomoa, nomata hemi laen blong fasbon san, o hemi laen blong lasbon san.

1 Kronikols 24:7

Olketa siusim olketa grup olsem: Faswan, grup blong Prist Jehoearib. Mektu, grup blong Prist Jedaea.

2 Kronikols 34:13

i bos long olketa wakaman long enikaen deferen waka. An samfala i raetemdaon olketa ripot abaotem olketa waka ya. An samfala i gohed fo gadem olketa doa long Tambuhaos.

Esra 7:6

Disfala prist ya Esra, hem nao hemi kambaek from Babilon. Hemi wanfala tisa wea hemi savegud tumas long Lo blong Mosis, wea Yawe God blong Israel bin givim Lo ya long bifoa. Long mekseven yia wea King Atasekses hemi rul ovarem Pesia, Esra hemi redim wanfala bikfala grup long olketa blong Israel, mekem hemi lidim olketa gobaek long Jerusalem. Bikos Yawe, God blong hem, hemi gohed fo blesim hem, evrisamting wea hemi askem long king, king ya hemi givim nomoa long hem. Long grup ya, hemi garem olketa prist wetem olketa Livaet wea samfala long olketa i blong kuaea blong Tambuhaos blong Yawe, an samfala long olketa i sekiuriti long Tambuhaos ya, an samfala long olketa i wakaman long Tambuhaos.

Nehemaea 8:1

Long datfala taem, olketa pipol i kam long Jerusalem fo hipap tugeta long bikfala open eria frant long Wata Geit ya. Olketa kolem kam Prist Esra, hu hemi tisa blong Lo wea God hemi talem kam long Mosis fo olketa pipol blong Israel mas obeim, an olketa askem hem fo tekem kam disfala buk blong Lo.

Matiu 13:52

So Jisas hemi sei moa, “Evri tisa blong Lo hu hemi falom niufala tising abaotem kingdom long Heven, hemi olsem wanfala bos blong haos hu hemi save tekemaot kam olketa gudfala samting long haos blong hem, wea samfala samting i niuwan an samfala samting i olwan.”

Matiu 8:19

Nao wanfala tisa blong Lo hemi kam stret long Jisas an hemi sei, “Tisa, mi bae mi falom yu go long eni ples nomoa wea bae yu go long hem.”