1 Kronikols 24:5 - Pijin Bible

⁵ Nao tufala laen evriwan i garem olketa prist an olketa bikman long Tambuhaos, so Deved, an Sadok, an Ahimelek i yusim olketa spesol ston fo faendemaot hu nao bae hemi holem watkaen waka. Hem nao wei wea olketa divaedem olketa man long stretfala wei.

Pijin Deuterocanon

⁵ Nao tufala laen evriwan i garem olketa prist an olketa bikman long Tambuhaos, so Deved, an Sadok, an Ahimelek i yusim olketa spesol ston fo faendemaot hu nao bae hemi holem watkaen waka. Hem nao wei wea olketa divaedem olketa man long stretfala wei.

1 Kronikols 24:5 ပူးပေါင်းရင်းမြစ်များ

1 Kronikols 24:31

Olketa bin yusim spesol ston fo makem waka blong olketa laen ya long sem wei wea olketa duim fo olketa wantok hu i prist long laen blong Eron. King Deved, an Prist Sadok, an Prist Ahimelek, an olketa bikman long laen blong olketa prist an long olketa Livaet, olketa evriwan i witnes long samting ya. Evri laen hemi semsem nomoa, nomata hemi laen blong fasbon san, o hemi laen blong lasbon san.

1 Kronikols 24:4

Hemi divaedem olketa laen blong Eleasa go long sikstinfala grup, an hemi divaedem olketa laen blong Itama go long eitfala grup. Hemi duim olsem bikos namba blong olketa hed blong famili long laen blong Eleasa hemi plande winim namba blong olketa hed blong famili long laen blong Itama.

1 Kronikols 25:8

Olketa divaedem olketa man long tuenti-foa grup falom olketa lida ya. Nomata olketa man i olo o yanga, an nomata olketa i tisa o student, olketa yusim olketa spesol ston fo save long waka blong olketa grup.

1 Kronikols 26:13

Nomata olketa laen i bikfala o smolfala, olketa yusim olketa spesol ston fo faendemaot wanem geit nao olketa laen i save gadem.

2 Kronikols 35:8

An olketa bikman blong hem tu i tekem kam olketa animol blong olketa, an givim go long olketa pipol an olketa prist an Livaet fo mekem fist ya. Nao Hilkaea, an Sekaraea, an Jehiel hu i trifala bikman long Tambuhaos blong God, trifala tekem kam 2,600 smolfala sipsip an yang nanigot, an givim go tu fo Fist blong Pasova. An trifala givim 300 man buluka tu fo mekem olketa sakrifaes.

Nehemaea 11:11

an Seraea, san blong Hilkaea, wea laen blong hem hemi olsem: Mesulam, Sadok, Meraeot, Ahitub, hu hemi olo long laen ya an hu hemi bin Haeprist long bifoa.

Provebs 16:33

Man hemi trae faendemaot wanem fo duim, Yawe nomoa hemi mekem ansa kamaot.

Aesaea 43:28

Dastawe nao bae mi mekem olketa prist long Tambuhaos blong mi fo no klin. An nomata yufala pipol long Israel i blong mi, bae mi letem nomoa olketa enemi fo kam an spoelem yufala finis. An bae mi letem nomoa olketa narafala pipol fo mekem yufala sem fogud.”

Jona 1:7

Olketa kru long dek i tok olsem long olketa seleva, “Yumi pleim daes fo faendemaot hu nao hemi mekem disfala trabol fo kasem yumi.” So, olketa godaon fo pleim daes, an hemi somaot nomoa Jona.

Matiu 26:3

Nao long disfala taem ya nomoa, olketa hedprist an olketa nara bikman olketa hipap long bikfala haos blong disfala Haeprist Kaeafas.

Matiu 27:1

Nao long eli moning yet, olketa hedprist an olketa nara bikman olketa miting fo mekem wanfala plan fo kilim Jisas dae.

Aposol 1:26

Bihaen, olketa rolem spesol ston fo siusim niufala aposol. An tufala ston somaot Mataeas, so hemi kamap mektuel long olketa aposol.

Aposol 4:1

Nao samfala prist wetem bikman blong seksin fo gadem Tambuhaos an samfala Sadiusi moa, olketa kam long Pita an Jon, taem tufala go-gohed yet fo toktok long olketa pipol.

Aposol 4:6

Anas hu hemi Haeprist, an Kaeafas, an Jon, an Aleksanda, an olketa nara man long famili blong Haeprist olketa hipap tu.

Aposol 5:24

Taem bikman blong seksin fo gadem Tambuhaos wetem olketa hedprist olketa herem toktok ya, olketa barava wari tumas long wanem nao hemi bin hapen long olketa aposol.

Josua 18:10

Den long frant long Yawe, Josua hemi rolem olketa spesol ston fo somaot eria wea Yawe bae hemi givim long olketa traeb fo onam. Hem nao wei wea Josua hemi divaedem olketa eria go long sevenfala traeb wea i no onam yet eni lan.