1 Kronikols 24:3 - Pijin Bible

³ King Deved hemi divaedem olketa ya long olketa deferen grup fo duim olketa waka blong prist. Nao Prist Sadok long laen blong Eleasa, an Prist Ahimelek long laen blong Itama, tufala helpem Deved fo divaedem olketa.

Pijin Deuterocanon

³ King Deved hemi divaedem olketa ya long olketa deferen grup fo duim olketa waka blong prist. Nao Prist Sadok long laen blong Eleasa, an Prist Ahimelek long laen blong Itama, tufala helpem Deved fo divaedem olketa.

1 Kronikols 24:3 ပူးပေါင်းရင်းမြစ်များ

2 Samuel 20:25

Seva hemi raetem olketa toktok blong king. Sadok an Abiata, tufala i prist.

2 Samuel 8:17

Sadok, san blong Ahitub, an Ahimelek, san blong Abiata, tufala i prist. Seraea, hemi raetem olketa toktok blong king.

1 Kings 2:35

Nao king hemi mekem Benaea ya, san blong Jehoeada, fo kamap komanda blong ami blong hem, so hemi sensim Joab. An king hemi mekem Prist Sadok hem sensim Abiata.

1 Kronikols 15:11

Deved hemi kolem kam Prist Sadok an Prist Abiata wetem Uriel, an Asaea, an Joel, an Semaea, an Eliel, an Aminadab.

1 Kronikols 16:39

An Deved hemi siusim Prist Sadok wetem olketa narafala prist fo mekem wosip long Tambu Haostent blong Yawe long Gibeon.

1 Kronikols 18:16

Sadok, san blong Ahitub, an Ahimelek, san blong Abiata, tufala i prist. Savsa hemi raetem olketa toktok blong king.

1 Kronikols 24:31

Olketa bin yusim spesol ston fo makem waka blong olketa laen ya long sem wei wea olketa duim fo olketa wantok hu i prist long laen blong Eron. King Deved, an Prist Sadok, an Prist Ahimelek, an olketa bikman long laen blong olketa prist an long olketa Livaet, olketa evriwan i witnes long samting ya. Evri laen hemi semsem nomoa, nomata hemi laen blong fasbon san, o hemi laen blong lasbon san.

1 Kronikols 24:4

Hemi divaedem olketa laen blong Eleasa go long sikstinfala grup, an hemi divaedem olketa laen blong Itama go long eitfala grup. Hemi duim olsem bikos namba blong olketa hed blong famili long laen blong Eleasa hemi plande winim namba blong olketa hed blong famili long laen blong Itama.

1 Kronikols 24:6

Nao Semaea, san blong Netanel, wanfala Livaet, hemi raetemdaon olketa nem blong olketa lida wea olketa siusim. King Deved wetem olketa bikman blong hem, an Prist Sadok, an Prist Ahimelek, san blong Abiata, an olketa bikman long laen blong olketa prist an long olketa Livaet, olketa evriwan i witnes long samting ya.

2 Kronikols 8:14

Hemi makem olketa seksin blong olketa prist fo duim waka wea olketa mas duim evri de falom rul wea dadi blong hem i bin mekem. An hemi makem olketa Livaet fo helpem olketa prist, an fo singsing an preisim God. Hemi divaedem olketa gad blong Tambuhaos long olketa seksin, an hemi mekem olketa fo gadem olketa geit blong Tambuhaos falom wei wea Deved hu hemi man blong God hemi bin talem bifoa.

1 Samuel 21:1

Den Deved hemi go long Nob fo lukim Prist Ahimelek. An taem prist hemi kam fo mitim Deved, hemi fraet an hemi seksek, an hemi askem hem olsem, “?Waswe nao yu kam long hia seleva an no eniwan hemi kam wetem yu.”