1 Kronikols 23:24 - Pijin Bible

²⁴ Hem nao nem blong olketa olo blong olketa laen long traeb blong Livae. Olketa man blong king i raetemdaon nem blong olketa, an kaontem olketa man ya wea i eij tuenti yia goap. Olketa evriwan i joen fo duim waka long Tambuhaos blong Yawe.

Pijin Deuterocanon

²⁴ Hem nao nem blong olketa olo blong olketa laen long traeb blong Livae. Olketa man blong king i raetemdaon nem blong olketa, an kaontem olketa man ya wea i eij tuenti yia goap. Olketa evriwan i joen fo duim waka long Tambuhaos blong Yawe.

1 Kronikols 23:24 ပူးပေါင်းရင်းမြစ်များ

1 Kronikols 23:23

Musi hemi bonem trifala san olsem: Mali, an Eda, an Jeremot.

1 Kronikols 23:27

Nao from toktok blong king, olketa Livaet wea i eij tuenti yia goap, i garem waka fo helpem olketa prist.

1 Kronikols 23:3

Nao hemi kaontem olketa Livaet wea eij blong olketa i kasem teti an go antap. Nao namba long olketa evriwan i kasem 38,000 man.

2 Kronikols 31:17

Olketa makem kaen waka blong olketa prist falom olketa laen blong olo. Nao long semkaen wei olketa givimaot olketa kaikai long olketa Livaet wea i kasem tuenti yia an goap. Olketa divaedem evrisamting falom olketa kaen waka an olketa seksin blong Livaet.

Esra 3:8

Long mektu mans blong mektu yia bihaen long taem olketa bin kambaek long ples wea olfala Tambuhaos hemi stap long hem bifoa, olketa stat fo wakembaek moa Tambuhaos ya. Serababel, san blong Sealtiel, an Jesua, san blong Jehosadak, wetem olketa prist an olketa Livaet, an evri narafala pipol hu i kambaek long Jerusalem, i joen tugeta fo duim waka ya. Olketa lida i siusim olketa Livaet hu i kasem mektuenti yia blong olketa, fo kamap bos ovarem olketa waka ya fo bildimbaek moa Tambuhaos blong Yawe.

Nehemaea 7:1

Taem wolston ya hemi finis, an mifala hangem olketa doa long olketa geit blong hem, mi siusim olketa Livaet wea samfala i sekiuriti blong olketa geit, an samfala i long kuaea blong Tambuhaos ya, an samfala i wakaman long Tambuhaos.

Nambas 10:17

Den taem olketa long laen blong Geson an long laen blong Merari nao i tekemaot Tambu Haostent, olketa karim goaot bihaen long olketa hu i go wetem traeb blong Jiuda.

Nambas 10:21

Den olketa long laen blong Kohat i muv goaot an olketa karim evri tambu samting blong Tambu Haostent. An taem olketa kasem niufala ples, olketa long laen blong Geson an Merari i putumap finis Tambu Haostent mekem hemi redi fo olketa tambu samting.

Nambas 18:5

Yu wetem olketa long laen blong yu nomoa i mas duim waka long Tambu Rum an olketa waka blong olta, mekem mi no save kros moa long pipol blong Israel.

Nambas 2:32

Namba blong olketa man wea Mosis hemi kaontem falom olketa laen blong olketa, i kasem 603,550.

Nambas 3:15

“Yu mas kaontem olketa man long traeb blong Livae, falom olketa laen an famili grup blong olketa, an yu mas stat wetem olketa pikinini boe wea eij blong olketa i kasem wan mans an goap.”

Nambas 3:47

An praes blong olketa, hemi faev silva seleni fo wanfala. Olketa mas yusim silva seleni wea olketa bin skelem long spesol skel blong prist.

Nambas 4:23

an yu mas raetemdaon nem blong olketa man hu i teti yia go kasem fifti yia. Hem nao olketa wea i save waka long Tambu Haostent.

Nambas 4:3

an raetemdaon nem blong olketa man hu i teti yia go kasem fifti yia. Hem nao olketa wea i save waka long Tambu Haostent.

Nambas 8:24

“Olketa long traeb blong Livae hu i kasem tuenti-faev yia an goap, olketa nao mas duim olketa waka long Tambu Haostent.