1 Kronikols 20:8 - Pijin Bible

⁸ Olketa jaean ya i long laen blong Rafa long Gat, an Deved wetem olketa soldia blong hem i kilim dae olketa evriwan.

Pijin Deuterocanon

⁸ Olketa jaean ya i long laen blong Rafa long Gat, an Deved wetem olketa soldia blong hem i kilim dae olketa evriwan.

1 Kronikols 20:8 ပူးပေါင်းရင်းမြစ်များ

2 Samuel 21:16

Oraet, wanfala jaean blong ami blong Filistia, wea nem blong hem Isbi-Benob, hemi sei bae hemi save kilim dae Deved. Jaean ya, hemi garem wanfala spia wea poen hemi bras, an hevi blong poen ya hemi tri an haf kilo, an hemi garem wanfala niufala naef fo faet tu.

2 Samuel 21:22

Fofala jaean ya i long laen blong Rafa long Gat, an Deved wetem olketa soldia blong hem i kilim dae olketa evriwan.

1 Kronikols 20:7

Taem hemi singaot fo tokspoelem ami blong Israel, Jonatan, san blong Simea, brata blong King Deved, hem nao hemi go kilim dae jaean ya.

1 Kronikols 21:1

Nao Seitan hemi wande mekem trabol fo kasem pipol blong Israel, so hemi mekem King Deved fo mekem sensas long Israel.

Eklesiastes 9:11

Narafala samting moa mi lukim long disfala wol hemi olsem, I no olketa hu i save ran kuiktaem nomoa i save winim resis, i no olketa strong man nomoa i save winim faet. I no olketa waes man nomoa i save garem gudfala laef, i no olketa man hu i smat nomoa i save kamap ris, i no olketa man hu i save tumas nomoa wea i garem hae nem. Hem nao bikos, enikaen samting hemi save kasem evriwan ya long enikaen taem.

Jeremaea 9:23

Yawe nao hemi tok moa olsem, “Olketa waesman mas no tokpraod abaotem waes blong olketa. Olketa strongfala man mas no tokpraod abaotem strong blong olketa. An olketa risman mas no tokpraod abaotem risis blong olketa.

Leta wea Pol hemi raetem go long sios long Rom 8:31

?Wanem nao bae yumi talem abaotem olketa samting ya? ?Sapos God hemi teksaet wetem yumi, hu nao hemi save agensim yumi?

Josua 14:12

Bikos hemi olsem, hemi gud sapos yu givim disfala lan long olketa hil fo mifala olsem wea Yawe hemi bin promisim finis long datfala taem. Ya, yu bin herem finis olketa ripot abaotem olketa strong man long laen blong Anak hu i stap long olketa bikfala taon wea i garem olketa bikfala wolston raonem olketa. Sapos Yawe hemi helpem mi, bae mi save ronemaot olketa olsem wea hemi bin talem.”