1 Kronikols 2:54 - Pijin Bible

⁵⁴ Salma hemi olfala grani long laen blong olketa pipol long Betlehem, an laen blong Netofat, an olketa pipol blong Atrot-Bet-Joab, an laen blong Sora, an haf long laen blong Manahat.

Pijin Deuterocanon

⁵⁴ Salma hemi olfala grani long laen blong olketa pipol long Betlehem, an laen blong Netofat, an olketa pipol blong Atrot-Bet-Joab, an laen blong Sora, an haf long laen blong Manahat.

1 Kronikols 2:54 ပူးပေါင်းရင်းမြစ်များ

2 Samuel 23:29

Heleb, san blong Baana, man blong Netofa, Itae, san blong Ribae, man blong Gibea long traeb blong Benjamin,

1 Kronikols 11:30

Maharae, man blong Netofa. Heled, san blong Baana long Netofa.

1 Kronikols 2:52

Sobal hu hemi statem taon long Kiriat-Jearim, hemi olfala grani long laen blong Haroe an long haf blong laen blong Menuhot.

1 Kronikols 2:53

An hemi olfala grani blong olketa laen long Kiriat-Jearim tu, wea hem nao laen blong Jeta, an laen blong Puti, an laen blong Sumat, an laen blong Misra. An olketa pipol long tufala taon long Sora an Estaol, olketa ya i bon kam long olketa laen ya.

1 Kronikols 2:55

Olketa long taon long Jabes i garem waka fo raetemdaon olketa samting. Olketa ya i long laen blong Tirat, an long laen blong Simeat, an long laen blong Sukat. Trifala laen ya kamaot long laen blong Kein hu hemi long laen blong Hamat. An Hamat hemi olfala grani long laen blong Rekab tu.

1 Kronikols 9:16

An Obadaea hu hemi san blong Semaea. Semaea ya hemi san blong Galal hu hemi san blong Jedutun. An Berekaea hu hemi san blong Asa. Asa ya hemi san blong Elkana. Nao laen blong hem i bin stap long olketa vilij long Netofa.

Esra 2:22

Blong Netofa: 56.

Nehemaea 12:28

Olketa Livaet long kuaea blong Tambuhaos wea i stap long olketa vilij kolsap long Jerusalem, olketa kam tu fo selebretem disfala bikde. Olketa kam from olketa vilij kolsap long Netofa,

Nehemaea 7:26

An olketa narafala pipol wea i gobaek, list blong olketa taon wea olketa bin stap long olketa bifoa wetem namba blong olketa pipol ya, hemi olsem: Blong Betlehem an Netofa: 188.

Josua 16:2

nao hemi go kasem taon long Lus, an hemi go pas long Atarot wea hemi spialaen long eria blong olketa pipol long Aki.

Stori abaotem Rut 1:1

Bifoa, long taem wea olketa sif nao i lukaftarem olketa long laen blong Israel, wanfala hadtaem hemi kasem olketa wea olketa no garem kaikai. From diswan nao, wanfala man wetem waef blong hem an tufala pikinini blong tufala, olketa lusim ples blong olketa. Man ya nao, nem blong hem Elimelek, hem long traeb blong Jiuda, an hom blong hem nao long taon long Betlehem. Waef blong hem nao Neomi, an tufala pikinini boe blong hem nao Malon an Kilion. Olketa ya i blong Betlehem long eria long Efrata, bat olketa lusim ples ya an go fo mekem ples blong olketa long kantri long Moab. Olketa stap long ples ya go-go Elimelek hemi dae, an waef blong hem Neomi hemi stap seleva nao wetem tufala boe blong hem.