1 Kronikols 2:50 - Pijin Bible

⁵⁰ Olketa long laen blong Kelab i olsem: Hua hemi fasbon blong Kelab wetem mektu woman blong hem Efrat. Hua hemi dadi blong Sobal hu hemi fas man long taon long Kiriat-Jearim.

Pijin Deuterocanon

⁵⁰ Olketa long laen blong Kelab i olsem: Hua hemi fasbon blong Kelab wetem mektu woman blong hem Efrat. Hua hemi dadi blong Sobal hu hemi fas man long taon long Kiriat-Jearim.

1 Kronikols 2:50 ပူးပေါင်းရင်းမြစ်များ

1 Kronikols 2:49

An bihaen, woman ya hemi bonem tufala san moa, wea nem blong tufala, Saaf an Seva. Saaf ya hemi statem taon long Madmana. An Seva hemi statem taon long Makbena an taon long Gibea. An Kelab hemi garem wanfala dota wea nem blong hem hemi Aksa.

1 Kronikols 2:51

Salma hu hemi mektu san blong Hua, an hemi statem taon long Betlehem. Haref hu hemi mektri san blong Hua, hemi statem taon long Bet-Gadea.

1 Kronikols 2:53

An hemi olfala grani blong olketa laen long Kiriat-Jearim tu, wea hem nao laen blong Jeta, an laen blong Puti, an laen blong Sumat, an laen blong Misra. An olketa pipol long tufala taon long Sora an Estaol, olketa ya i bon kam long olketa laen ya.

1 Kronikols 4:1

Olketa laen blong Jiuda i olsem: Peres, an Hesron, an Kami, an Hua, an Sobal.

Josua 15:60

An tufala taon moa wea nem blong wanfala nao Kiriat-Baal wea narafala nem blong hem nao Kiriat-Jearim, an narawan nao Raba. Hem nao tufala taon wea i stap long datfala eria wetem olketa vilij wea i stap raon long tufala.

Josua 15:9

An spialaen ya hemi stat moa long ples ya an hemi go-go kasem springwata ya long Neftoa, an hemi go moa go-go kasem olketa taon kolsap long maonten long Efron. Hemi stat moa long ples ya an hemi go stret long taon long Baala wea narafala nem blong hem nao Kiriat-Jearim.

Josua 9:17

So olketa blong Israel i go nao bihaen long olketa, an long mektri de olketa kasem fofala taon blong olketa ya long Gibeon, an Kefira, an Beerot an Kiriat Jearim.

Stori abaotem Rut 4:11

So olketa lida wetem olketa narafala pipol moa long ples ya i tok olsem, “Ya, hemi gud. Mifala nao i witnes blong yu. Letem Yawe hemi mekem woman ya hu hemi kam long haos blong yu, bae hemi olsem Resel an Lea blong bifoa ya, wea tufala bonem plande pikinini fo Jekob, wea yumi bon kam long laen blong hem. An letem yu kamap wanfala bikman hu hemi garem biknem long disfala taon blong yumi ya Betlehem, an long disfala eria long Efrata.

1 Samuel 7:1

So olketa man blong Kiriat-Jearim i go fo tekem kam Tambu Boks ya. Olketa putum long haos blong Abinadab wea hemi stap antap long hil. An olketa mektambu long Eleasa hu hem wanfala san blong Abinadab, mekem hem lukaftarem Tambu Boks ya.