1 Kronikols 2:4 - Pijin Bible

⁴ An bihaen, Jiuda hemi slip wetem Tama, dota inlo blong hem, an hemi bonem tufala san moa, an nem blong tufala, Peres, an Sera. Hem nao olketa faefala san blong Jiuda.

Pijin Deuterocanon

⁴ An bihaen, Jiuda hemi slip wetem Tama, dota inlo blong hem, an hemi bonem tufala san moa, an nem blong tufala, Peres, an Sera. Hem nao olketa faefala san blong Jiuda.

1 Kronikols 2:4 ပူးပေါင်းရင်းမြစ်များ

Jenesis 38:11

Nao Jiuda hemi tok olsem long wido ya, “Yu gobaek long haos blong dadi blong yu, an yu stap kuaet. An yu no marit moa, go-go lasbon blong mi ya Sela hemi bikfala.” Hemi toktok olsem bikos hemi fraet nogud bae Yawe hemi kilim dae lasbon ya tu, olsem wea hemi kilim dae finis tufala brata blong hem ya. So wido ya hemi gobaek long haos blong dadi blong hem nao.

1 Kronikols 2:5

Peres hemi garem tufala san wea nem blong tufala i Hesron an Hamul.

1 Kronikols 4:1

Olketa laen blong Jiuda i olsem: Peres, an Hesron, an Kami, an Hua, an Sobal.

1 Kronikols 9:4

Nao 690 pipol long traeb blong Jiuda i kambaek long Jerusalem. Olketa ya nao i olketa long laen blong Peres, an Sela, an Sera hu i trifala pikinini blong Jiuda. Lida long laen blong Peres, hemi Utae. Utae hemi san blong hem Amihud. Amihud hemi san blong Omri. Omri hemi san blong Imri. Imri hemi san blong Bani hu hemi san blong Peres. An olketa lida long laen blong Sela, i fasbon san blong hem Asaea an olketa san blong hem. An lida long laen blong Sera, hemi Juel.

Nehemaea 11:24

Petahaea, san blong Mesesabel, hu hemi long laen blong Sera, san blong Jiuda, hemi nambawan advaesa blong king abaotem olketa pipol blong Israel an evrisamting wea hemi hapen long kantri ya.

Matiu 1:3

an Jiuda hemi dadi blong Peres an Sera, wea mami blong tufala nao Tama, an Peres hemi dadi blong Hesron, an Hesron hemi dadi blong Ram,

Gudnius abaotem Jisas Kraes wea Luk hemi raetem 3:33

Nason hemi san blong Aminadab. Aminadab hemi san blong Admin. Admin hemi san blong Anae. Anae hemi san blong Hesron. Hesron hemi san blong Pires. Pires hemi san blong Jiuda.

Stori abaotem Rut 4:12

Letem olketa pikinini wea Yawe bae hemi givim long yutufala, olketa mekem famili blong yu hemi garem biknem olsem famili ya blong Peres bifoa, wea dadi blong hem nao Jiuda, an mami blong hem nao Tama.”

Stori abaotem Rut 4:18

Olketa laen blong Peres hemi olsem. Peres hemi bonem Hesron,