1 Kronikols 2:17 - Pijin Bible

¹⁷ Nao Abigeil hemi maritim Jeta, man long laen blong Ismael, an tufala hemi garem wanfala san wea nem blong hem Amasa.

Pijin Deuterocanon

¹⁷ Nao Abigeil hemi maritim Jeta, man long laen blong Ismael, an tufala hemi garem wanfala san wea nem blong hem Amasa.

1 Kronikols 2:17 ပူးပေါင်းရင်းမြစ်များ

2 Samuel 17:25

Absalom hemi bin mekem Amasa fo kamap komanda long ami fo hemi sensim Joab. Amasa ya, hemi san blong Jeta hu hemi blong wanfala traeb blong Israel. Mami blong Amasa hemi Abigeil hu hemi sista blong Seruia, mami blong Joab. Dadi blong woman ya hemi Nahas.

2 Samuel 19:13

An hemi talem tufala fo go tok olsem long Amasa, “Yu wantok blong mi. Letem God hemi panisim mi nogud, sapos mi no mekem yu fo kamap komanda long ami an sensim Joab.”

1 Kings 2:32

Yawe bae hemi sensimbaek long Joab blad blong tufala ya, bikos dadi blong mi hemi no save dat Joab hemi kilim dae Abna, san blong Na, hu hemi komanda blong ami blong Israel, an Amasa, san blong Jeta, hu hemi komanda blong ami blong Jiuda. Tufala ya i barava gudfala an stret winim Joab ya.

1 Kings 2:5

“An narafala samting moa. Yu save wanem Joab, san blong Seruia, hemi duim fo agensim mi. Hemi bin kilim dae tufala komanda blong ami blong Israel. Tufala ya, Abna, san blong Na, an Amasa, san blong Jeta. An hemi kilim dae tufala ya long wei wea i fitim taem blong woa, bat hemi duim long taem blong piis nomoa. Blad blong tufala ya i makem strap blong hem an sandol blong hem, hem nao somaot dat hemi fit fo panis.

1 Kronikols 12:18

Den spirit blong God hemi kam long Amasae hu hemi lida long olketa teti nambawan soldia, an hemi singaot bikfala olsem, “!Deved, san blong Jese! !Mifala blong yu nao! Bae yu save winim olketa faet. An bae evriwan wea i helpem yu save winim olketa faet. God hemi helpem yu nao.” So Deved hemi welkamem olketa, an hemi mekem olketa lidim olketa smol seksin long soldia wea i go stilim olketa samting from olketa vilij blong enemi.

1 Kronikols 2:16

An Jese hemi garem tufala dota tu wea nem blong tufala nao, Seruia an Abigeil. Seruia, hemi garem trifala san olsem: Abisae, an Joab, an Asahel.

1 Kronikols 2:18

Kelab, san blong Hesron, hemi maritim Asuba. Tufala ya i garem wanfala dota wea nem blong hem Jeriot. An Jeriot hemi bonem trifala san wea nem blong trifala nao, Jesa, an Sobab, an Adon.