1 Kronikols 2:13 - Pijin Bible

¹³ Jese hemi garem sevenfala san. Nao stat long fasbon go kasem lasbon, nem blong olketa i olsem: Eliab, an Abinadab, an Simea,

Pijin Deuterocanon

¹³ Jese hemi garem sevenfala san. Nao stat long fasbon go kasem lasbon, nem blong olketa i olsem: Eliab, an Abinadab, an Simea,

1 Kronikols 2:13 ပူးပေါင်းရင်းမြစ်များ

2 Samuel 13:3

Bat hemi garem wanfala fren hu hemi kleva tumas. Nem blong hem nao Jonadab. Hemi san blong Simea, hu hemi brata blong King Deved.

2 Samuel 2:32

Olketa tekem bodi blong Asahel fo go berem long Betlehem long ples wea olketa bin berem olketa olo blong hem. An olketa wakabaot fo fulnaet, an long eli moning olketa kasembaek Hebron moa.

1 Kronikols 2:12

Boas hemi bonem Obed, an Obed hemi bonem Jese.

1 Kronikols 2:14

an Netanel, an Radae,

1 Kronikols 20:7

Taem hemi singaot fo tokspoelem ami blong Israel, Jonatan, san blong Simea, brata blong King Deved, hem nao hemi go kilim dae jaean ya.

1 Kronikols 27:18

Elihu hu hemi brata blong King Deved, hemi sif long traeb blong Jiuda. Omri, san blong Maekol, hemi sif long traeb blong Isaka.

1 Samuel 17:12

Deved, hemi san blong wanfala man long Betlehem wea nem blong hem Jese. Jese hemi garem eitfala pikinini boe. Hemi bon kam long laen blong Efrata, wea hemi long traeb blong Jiuda. Taem wea Sol hemi kamap king, Jese hemi olo finis.

1 Samuel 17:13

Trifala san blong hem wea i bon fastaem, trifala go wetem king fo faet. Fasbon, nem blong hem Eliab, an mektu, nem blong hem Abinadab, an mektri, nem blong hem Sama.

1 Samuel 17:28

Den Eliab wea hemi fasbon brata blong Deved, hemi herem dat Deved hemi toktok wetem olketa ya. So hemi barava kros long hem, an hemi tok olsem, “?Yu duim wanem long hia? ?Hu nao hemi lukaftarem olketa sipsip blong yu long draeples? !Mi save, yu bikhed an yu man nogud! !Yu kam long hia fo lukim faet nomoa!”