1 Kronikols 19:9 - Pijin Bible

⁹ Den olketa soldia blong Amon i go stanap long rod aotsaet long geit blong taon long Raba, an olketa redi fo faet long dea. An olketa soldia blong olketa king blong Aram, olketa stap redi fo faet aotsaet long taon ya, long open ples.

Pijin Deuterocanon

⁹ Den olketa soldia blong Amon i go stanap long rod aotsaet long geit blong taon long Raba, an olketa redi fo faet long dea. An olketa soldia blong olketa king blong Aram, olketa stap redi fo faet aotsaet long taon ya, long open ples.

1 Kronikols 19:9 ပူးပေါင်းရင်းမြစ်များ

2 Samuel 10:8

Den olketa soldia blong Amon i go stanap aotsaet long geit blong taon long Raba, an olketa redi fo faet long dea. An olketa soldia blong Aram wetem olketa soldia blong Tob, an olketa soldia blong Maaka, olketa stap redi fo faet aotsaet long taon ya, long open ples.

2 Samuel 18:4

Den hemi tok olsem, “Hemi gud nomoa, bae mi duim wanem yufala talem.” Taem olketa goaot, hemi go stanap long geit blong bikfala wolston long taon ya, an olketa wakabaot go long olketa seksin blong olketa.

1 Kings 20:1

King Ben-Hadad long Siria hemi kolem olketa soldia blong hem fo kam tugeta. An teti-tu narafala king wetem olketa ami blong olketa i kam fo helpem hem. Olketa kam wetem olketa hos an kaat fo faet blong olketa. So olketa go long Samaria, an hipap raonem taon ya fo faetem olketa.

1 Kings 20:24

Bat fastaem, yu mas mekem olketa teti-tu king ya fo no bos blong olketa soldia, an yu mas siusim olketa barava komanda fo tekem ples blong olketa.

1 Kronikols 19:10

Oraet, Joab hemi luksave dat olketa soldia blong enemi i kam long frant an long bihaen long hem fo faetem hem. So hemi siusim olketa nambawan soldia blong hem, an putum olketa long ples wea olketa fesim olketa soldia blong Aram.

1 Kronikols 19:8

Taem King Deved hemi herem samting ya, hemi sendem Joab wetem ami blong hem fo go faetem olketa.

2 Kronikols 13:3

King Abaeja hemi tekem 400,000 gudfala soldia fo go long faet. An King Jeroboam hemi tekem 800,000 strongfala soldia fo faet agensim Abaeja.

2 Kronikols 14:10

King Asa wetem ami blong hem i go fo faetem Sera. Olketa evriwan i redi fo faet long vali long Sefata kolsap long Maresa.

Aesaea 28:6

Bae hemi givim stretfala tingting long olketa pipol hu i save jajem kot, an bae hemi mekem olketa pipol blong hem fo kamap strong mekem olketa save gadem taon blong olketa gudfala from olketa enemi.

Jeremaea 50:42

Olketa redim finis olketa bou an olketa spia, an olketa raf tumas an no garem sore long eniwan. Taem olketa resis kam long olketa hos blong olketa, noes blong olketa i olsem noes blong bikfala solwata wea hemi gohed fo brek long rif. !O pipol blong Babilonia! Distaem olketa kam nao fo faetem yufala.

Joel 2:5

Taem olketa grashopa ya i gohed fo jam olobaot fo kaikai antap long olketa maonten, olketa mekem noes olsem noes blong kaat fo faet taem hemi go kuiktaem. Ya, olketa mekem noes olsem noes blong faea wea hemi gohed fo bonem drae gras. Olketa laenap olsem wanfala bikfala ami wea hemi redi fo faet.

1 Samuel 17:2

Bat King Sol wetem ami blong Israel i kam tugeta, an putumap olketa haostent blong olketa antap long vali long Ela, an olketa mekredi fo faetem ami blong Filistia.