1 Kronikols 19:7 - Pijin Bible

⁷ Olketa haerem 32,000 soldia fo draevam olketa kaat ya, an ami blong king blong Maaka tu. Olketa evriwan i kam stap long Medeba fo faet. An olketa soldia blong Amon i kamaot from olketa taon blong olketa, an hipap redi fo faet.

Pijin Deuterocanon

⁷ Olketa haerem 32,000 soldia fo draevam olketa kaat ya, an ami blong king blong Maaka tu. Olketa evriwan i kam stap long Medeba fo faet. An olketa soldia blong Amon i kamaot from olketa taon blong olketa, an hipap redi fo faet.

1 Kronikols 19:7 ပူးပေါင်းရင်းမြစ်များ

2 Samuel 10:6

Taem olketa blong Amon i save dat olketa mekem King Deved barava kros fogud long olketa, olketa haerem samfala ami blong Aram. Olketa kolem kam 20,000 soldia blong Aram wea olketa stap long Bet-Rehob an long Soba, an 12,000 man blong taon long Tob, an olketa kolem king blong Maaka tu wetem 1,000 man blong hem. Olketa evriwan i kam joenem olketa fo faet.

1 Kronikols 18:4

Ami blong Deved hemi kasholem 1,000 kaat fo faet, an 7,000 soldia wea i ran long hos, an 20,000 soldia, olketa evriwan i blong Hadadesa ya. An hemi holem 100 hos wea i fit fo pulum kaat fo faet. Bat olketa nara hos, hemi katem string blong lek blong olketa mekem olketa no save wakabaot.

1 Kronikols 19:8

Taem King Deved hemi herem samting ya, hemi sendem Joab wetem ami blong hem fo go faetem olketa.

2 Kronikols 14:9

Nao wanfala bikman blong Kus wea nem blong hem Sera, hemi kam kasem taon long Maresa long Jiuda. Hemi kam wetem 1,000,000 soldia blong hem, an hemi garem 300 kaat fo faet.

Eksodas 14:9

Hem wetem ami blong hem, an evri hos blong olketa wetem evri kaat fo faet blong olketa, an evri draeva blong olketa kaat ya, olketa aftarem olketa pipol blong Israel, go-go olketa kam kasem ples ya wea olketa bin putumap haostent blong olketa long saet si, kolsap long tufala ples long Pihahirot an Baal-Sefon.

Aesaea 15:2

Olketa pipol long taon long Dibon i wakabaot go long ples fo wosip antap long hil fo sore an krae. Olketa pipol blong Moab i krae bikfala antap long maonten long Nebo an long taon long Medeba. Olketa resam hed an biad blong olketa bikos olketa barava sore fogud.

Nambas 21:30

“Bat wea, from Hesbon long not go long Dibon long saot, yumi bin kilim olketa blong Amoa. Ya, from Nofa go long Medeba, faea ya hemi bonem evri taon finis.”

Josua 13:16

Eria blong olketa hemi stat long taon long Aroa long saot, saet kam long Anon vali go-go kasem taon long midol long vali an hemi go kasem evri bikfala flat ples raonem taon long Medeba.

Josua 13:9

Hemi givim tu lan wea hemi stat long Aroa long Anon Riva go kasem taon long midol long vali blong Anon riva, an hemi go olowe go-go kasem bikfala flat ples antap long hil wea hemi stat kam long taon long Medeba go-go kasem taon long Dibon.

Jajis 4:3

Sif ya hemi garem 900 kaat fo faet wea i garem aean wil. An pipol blong Israel i stap andanit long paoa blong sif ya fo tuenti yia. Long datfala taem, hemi mekem pipol blong Israel barava safa tumas. So olketa krae go long Yawe fo hemi helpem olketa.

1 Samuel 13:5

Nao olketa soldia blong Filistia i kam tugeta fo faetem pipol blong Israel. Olketa garem 3,000 kaat fo faet wea hos hemi pulum, an 6,000 soldia fo ran long hos, an olketa narafala soldia moa wea i plande tumas olsem sanbis long saetsi. Olketa go stap long Mikmas long saet long ist long Bet-Aven.