1 Kronikols 19:11 - Pijin Bible

¹¹ An olketa narafala soldia, hemi putum long han blong brata blong hem Abisae, an Abisae hemi putum olketa long ples wea olketa fesim olketa soldia blong Amon.

Pijin Deuterocanon

¹¹ An olketa narafala soldia, hemi putum long han blong brata blong hem Abisae, an Abisae hemi putum olketa long ples wea olketa fesim olketa soldia blong Amon.

1 Kronikols 19:11 ပူးပေါင်းရင်းမြစ်များ

1 Kronikols 11:20

Nao Abisae, brata blong Joab, hemi lida blong Olketa Tetifala Soldia ya. Hemi bin faetem 300 soldia, an kilim dae olketa evriwan wetem spia blong hem. Dastawe hemi garem biknem olsem trifala nambawan soldia ya.

1 Kronikols 18:12

Nao Abisae, hu hemi san blong Seruia, hemi lidim ami wea hemi kilim dae 18,000 man blong Idom long vali wea nem blong hem “Vali fo Tekem Solt”.

1 Kronikols 19:10

Oraet, Joab hemi luksave dat olketa soldia blong enemi i kam long frant an long bihaen long hem fo faetem hem. So hemi siusim olketa nambawan soldia blong hem, an putum olketa long ples wea olketa fesim olketa soldia blong Aram.

1 Kronikols 19:12

Den Joab hemi tok olsem long brata blong hem, “Sapos yu lukim dat ami blong Aram i winim mi, bae yu kam helpem mi, an sapos mi lukim dat ami blong Amon i winim yu, bae mi kam helpem yu.

1 Kronikols 19:9

Den olketa soldia blong Amon i go stanap long rod aotsaet long geit blong taon long Raba, an olketa redi fo faet long dea. An olketa soldia blong olketa king blong Aram, olketa stap redi fo faet aotsaet long taon ya, long open ples.